UP Politics: نشاد پارٹی اوربی جے پی کے درمیان ختم ہوسکتا ہے اتحاد! گورکھپورمیں سنجے نشاد نے کہہ دی یہ بڑی بات

یوپی کے کابینی وزیراورنشاد پارٹی کے قومی صدرڈاکٹرسنجے نشاد کے بیان سے سیاسی گلیاروں میں بھونچال آگیا ہے۔ انہوں نے بی جے پی سے سوال کرتے ہوئے دوٹوک کہا ہے کہ انہیں لگتا ہے کہ چھوٹی پارٹیوں سے فائدہ نہیں ہے تو وہ اتحاد توڑ دیں۔ ڈاکٹر سنجے نشاد نے کہا کہ اوم پرکاش راج بھراورپٹیل سماج سال 2022 میں سماجوادی پارٹی کے ساتھ تھے تو 40 سے 125 پر پہنچا دیا تھا، وہ بی جے پی کے ساتھ تھے تو یوگی 2.0 کی حکومت بن گئی۔ یہ چھوٹے لیڈر آج نشاد سماج کوگمراہ کرنے کا کام نہیں کریں۔ سال 2024 کی جو ہارہوئی ہے، انہیں لیڈران کی وجہ سے ہوئی ہے، جوسماج کوگمراہ کرنے کا کام کررہے ہیں۔

گورکھپورکے انیکسی بھون آڈیٹوریم میں یوپی کے کابینہ وزیر(فشریز) پیر26 اگست کوڈاکٹرسنجے نشاد نے کہا کہ وہ بی جے پی سے کہنا چاہتے ہیں کہ اسے اپنے اتحادیوں سہیل دیوبھارتیہ سماج پارٹی، اپنا دل، آرایل ڈی پربھروسہ کرنا چاہئے۔ اگروہ ان پر بھروسہ نہیں کرتے ہیں تو پھرانہیں سخت فیصلے لینے چاہئے۔ وہ معاشرے کودرست سمت میں لے جا رہے ہیں۔ اس کا فائدہ بی جے پی کومل رہا ہے۔ 2018 میں ایس پی-بی ایس پی نے اتحاد کیا تھا۔ کتنی تاریخی جیت دی انہوں نے… ان کے لوگ بھی گئے۔ آج وہ ودھان سبھا اورلوک سبھا میں ان کی آوازبن گئے۔ جو بھی ہورہا ہے۔ اگربی جے پی کولگتا ہے کہ اسے ہم سے کوئی فائدہ نہیں ہو رہا ہے تواسے اتحاد توڑدیں۔

سنجے نشاد نے بولا بڑا حملہ

کابینی وزیرڈاکٹرسنجے نشاد نے گورکھپورسے بی جے پی کے سابق راجیہ سبھا ممبرپارلیمنٹ اوربی ایس پی حکومت میں سابق وزیرجے پرکاش نشاد کونشانہ بناتے ہوئے کہا کہ آپ ایک چھوٹے لیڈرکوگالی گلوج کیوں کررہے ہیں۔ وہ راج بھرکے لیڈرہیں، وہ بدزبانی کا استعمال کرتے رہتے ہیں۔ وہ آرایل ڈی لیڈرہیں، آرایل ڈی کوجاٹوں کے ووٹ ملے ہیں۔ جاٹ ان کی پارٹی کے خلاف بولیں گے۔ راج بھربھیا راج بھر لیڈرہیں۔ آپ کسی لیڈرکوشامل کریں گے اوراسے گالی گلوچ پرمجبورکریں گے۔ وہ بھی نشاد لیڈرہیں۔ اسے نشادوں کے ووٹ مل رہے ہیں۔ تو کیا آپ چھوٹے لیڈرکوبھرتی کریں گے اوراسے گالی گلوچ پرمجبورکریں گے۔ اسے آج سرکاری سہولیات مل گئی ہیں۔ ان کے پاس گنرہیں۔ وہ کہتے ہیں کہ بی جے پی نے ان کے لئے ٹکٹ دیا ہے… وہ جانتے ہیں کہ بی جے پی میں بی جے پی، وزیرداخلہ، وزیراعلیٰ اورایک پینل ہے۔ پتہ چلا ہے کہ لیڈران بھی اب ٹکٹیں بانٹ رہے ہیں۔

’آشیش پٹیل بھائی سماج کے لیڈرہیں…‘

سنجے نشاد نے کہا کہ کوئی بھی پارٹی اورلیڈرتکبرمیں نہ رہے۔ سماج سب دیکھ رہا ہے۔ آج کے دن میں وہ لوگ اتحادی پارٹی ہیں۔ یوپی کی جیت میں اتحادی پارٹیوں کا بڑا ہاتھ ہے۔ آشیش پٹیل بھائی سماج کے لیڈرہیں۔ وہ پٹیلوں کے لیڈرہیں، کرمی ہیں۔ وہ بھی پسماندہ ذات سے ہیں۔ ان میں احترام ہونا چاہئے۔ راج بھربھیا بھرسماج کی، نشاد پارٹی نشاد سماج کی ہے۔ یہ لوگ بی جے پی سے جڑے ہوئے ہیں۔ سال 2018 کی جیت سبھی کویاد رکھنی چاہئے۔ 2022 میں راج بھر-پٹیل سماج سماجوادی پارٹی کے ساتھ تھی۔ 45 سے 125 پہنچا دی تھی۔ وہ بی جے پی کے ساتھ تھے، سماجوادی-بی ایس پی ایک ہوگئی تھیں۔ یوگی 2.0 کی حکومت بن گئی تھی۔ آج نشاد سماج کوگمراہ کرنے کا کام نہ کریں۔ 2024 کی جو ہارہوئی ہے، انہیں لیڈران کی وجہ سے ہوئی ہے، جو سماج کوگمراہ کرنے کا کام کر رہے ہیں۔