اینٹی ٹینک گائیڈڈ میزائل ’ناگ ایم کے 2‘ کے نئے ورژن کا کامیاب تجربہ۔
نئی دہلی: ہندوستان نے دیسی طور پر تیار کردہ تیسری نسل کے اینٹی ٹینک ’گائیڈڈ‘ میزائل ناگ ایم کے 2 کا کامیاب تجربہ کیا ہے۔ وزارت دفاع نے کہا کہ یہ ٹیسٹ حال ہی میں سینئر فوجی افسران کی موجودگی میں راجستھان کے پوکھرن میں فائرنگ رینج میں کئے گئے۔ وزارت نے کہا، ’’دیسی طور پر تیار کردہ تیسری نسل کے اینٹی ٹینک ’فائر اینڈ فارگیٹ‘ گائیڈڈ میزائل ناگ MK-2 کا حال ہی میں پوکھرن فیلڈ رینج میں ہندوستانی فوج کے سینئر عہدیداروں کی موجودگی میں کامیاب تجربہ کیا گیا۔‘‘
وزارت نے کہا، ’’تینوں ٹیسٹوں کے دوران، میزائل سسٹم نے زیادہ سے زیادہ اور کم سے کم رینج میں تمام اہداف کو درست طریقے سے تباہ کیا، اس طرح اس کی ٹارگٹ مارنے کی صلاحیت کی تصدیق کی گئی ہے۔ ناگ میزائل کیریئر ورژن-2 کی صلاحیت کو بھی ریئل ٹائم میں ٹیس کیا گیا۔ وزارت نے ایک بیان میں کہا، ’’اس کے ساتھ، ہتھیاروں کا پورا نظام اب ہندوستانی فوج میں شامل کرنے کے لیے تیار ہے۔‘‘
وزیر دفاع راج ناتھ سنگھ نے ناگ Mk-2 کے مکمل ہتھیاروں کے نظام کی کامیاب صلاحیت کے ٹرائل کے لیے ڈیفنس ریسرچ اینڈ ڈیولپمنٹ آرگنائزیشن (DRDO)، ہندوستانی فوج اور صنعت کو مبارکباد دی۔ ڈی آر ڈی او کے چیئرمین سمیر وی کامت نے میزائل کو فوج میں شامل کرنے کے لیے تیار کرنے میں تمام متعلقہ فریقوں کی کوششوں کی تعریف کی۔
بھارت ایکسپریس۔
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…