قومی

Jharkhand Assembly Election 2024: ’’باقی امیدواروں کے ناموں کا جلد ہوگا اعلان…جھارکھنڈ میں کانگریس-جے ایم ایم کی بنے گی حکومت…‘‘، ریاستی وزیر خزانہ رامیشور اوراون کا بڑا دعویٰ

رانچی: جھارکھنڈ اسمبلی انتخابات کے لیے، کانگریس نے پیر کی دیر رات 21 سیٹوں کے لیے پارٹی امیدواروں کی پہلی فہرست جاری کی۔ امیدواروں کی فہرست کے بارے میں جھارکھنڈ کے وزیر خزانہ رامیشور اوراون نے کہا کہ ہم اتحاد کے بینر تلے عوام کا اعتماد جیتنے میں کامیاب ہوں گے۔ ہم نے دیر رات تک نشستوں کی تقسیم اور انتخابی انتظامات پر بات چیت کی۔ ہم مل کر اور ہم آہنگی سے الیکشن لڑیں گے۔ کئی ناموں کا اعلان ہو چکا ہے، باقی امیدواروں کے ناموں کا اعلان جلد کر دیا جائے گا۔ مجھے نہیں معلوم کہ آر جے ڈی کو سیٹ دی جائے گی یا نہیں۔ میں ابھی کچھ نہیں کہہ سکتا، کیونکہ میں دہلی میں تھا۔

انہوں نے کہا کہ عوام جانتی ہے کہ ہم نے کیا کیا۔ ایسے میں مجھے امید ہے کہ عوام ہماری پانچ سالہ ترقی کو منظور کرے گی اور ہمیں خدمت کا موقع دے گی۔ پانچ سالوں میں جھارکھنڈ کے لوگوں نے ہماری حکومت پر بھروسہ کیا ہے۔ ہم نے پوری لگن سے کام کیا ہے اور دوبارہ جیتنے کے لیے پراعتماد ہیں۔

جھارکھنڈ کانگریس کے ریاستی صدر کیشو مہتو کملیش نے کہا کہ مرکزی الیکشن کمیٹی کی میٹنگ میں کانگریس کے 21 امیدواروں کی پہلی فہرست جاری کی گئی ہے، باقی کی فہرست بھی جلد ہی جاری کی جائے گی۔ ہم اتحاد کے ساتھ الیکشن لڑ رہے ہیں اور بڑی جیت درج کرکے ریاست میں دوبارہ حکومت بنائیں گے۔

کانگریس پارٹی کے موجودہ ایم ایل اے میں جامتاڑا سے ڈاکٹر عرفان انصاری، جارمنڈی سے بادل پترلیکھ، پوڑئیہاٹ سے پردیپ یادو، مہاگامہ سے دیپیکا پانڈے سنگھ، لوہردگا سے رامیشور اوراون، بڑکاگاؤں سے امبا پرساد ساہو، برمو سے کمار جیمنگل، جھریا سے پورنیما نیرج سنگھ، جمشید پور ویسٹ سے بننا گپتا، کھجری سے راجیش کچاپ، مانڈر سے شلپی نیہا ترکی، سمڈیگا سے بھوشن باڑا، کولیبیرا سے نمن وکسل کونگاڑی اور مانیکا سے رام چندر سنگھ کو امیدوار بنایا گیا ہے۔

بھارت ایکسپریس۔

Md Hammad

Recent Posts

Brics summit Bilateral meeting: وزیر اعظم مودی اور چین کے صدر کے درمیان کل ہوگی دو طرفہ ملاقات

ہندوستان اور چین کے درمیان 2020 سے مشرقی لداخ میں لائن آف ایکچوئل کنٹرول (ایل…

23 mins ago

Bhool Bhulaiyaa 3: گانا ’جاناں سمجھو نا‘ میں کارتک آرین اور ترپتی ڈمری کے درمیان نظر آئی دمدار کیمسٹری

فلم میں ودیا بالن اور مادھوری دکشت بھی ہیں۔ انیس بزمی کی ہدایت کاری میں…

2 hours ago