جیو میں سرمایہ کاری میری زندگی کا سب سے بڑا جوکھم تھا، مکیش امبانی نے کہی یہ بڑی بات

ممبئی: ریلائنس انڈسٹریزکے چیئرمین اورمنیجنگ ڈائریکٹرمکیش امبانی نے کہا ہے کہ ٹیلی کام سیکٹرکے جیومیں بھاری سرمایہ کاری کرنا ان کے کیریئرکا “سب سے بڑا جوکھم” تھا۔ اس وقت بہت سے تجزیہ کاراس کی کامیابی پرشکوک و شبہات کا اظہارکررہے تھے۔ ان کا کہنا تھا کہ ہندوستان ایسی جدید ڈیجیٹل ٹیکنالوجی کے لیے تیارنہیں ہے۔ انہوں نے کہا کہ “اگرچہ جیومیں سرمایہ کاری کسی وجہ سے متوقع فوائد نہیں دے سکتی ہے، تب بھی اسے ہندوستان کوڈیجیٹل بنانے کی طرف ایک بڑا قدم سمجھا جائے گا۔ مکیش امبانی نے میک کینسی اینڈ کمپنی کوانٹرویو دیتے ہوئے اس کا انکشاف کیا۔
ریلائنس جیومیں سرمایہ کاری کا فیصلہ آسان نہیں تھا۔ “اس وقت، ہم اپنا پیسہ خود لگا رہے تھے اور میں خود اکثریت کا حصہ دار تھا۔ ہم نے بڑے خطرات مول لیے کیونکہ پیمانے ہمارے لیے بہت اہم تھے اوراہداف بھی بہت زیادہ تھے۔

جیوکی 5-جی ٹکنالوجی ملک میں ہوئی تیار

5 جی ٹکنالوجی کے بارے میں بات کرتے ہوئے مکیش امبانی نے کہا کہ جیو کی 5جی ٹیکنالوجی کا پورا انفراسٹرکچر مکمل طور پر اندرون ملک تیارکیا گیا ہے۔ ہم نے ہرجزو- کور، ہارڈویئر، سافٹ ویئربنایا ہے۔ ہم نے ایریکشن اورنوکیا کو صرف 20 فیصد میں شامل کیا ہے، تاکہ ہم اپنے سسٹم کوعالمی معیارپرجانچ سکیں۔ میں نے اپنی ٹیم سے کہا، آپ کوان سے بہترہونا پڑے گا، اورآج وہ ان سے بہترہیں۔” مستقبل کے منصوبوں کا تذکرہ کرتے ہوئے مکیش امبانی نے کہا کہ ’’میں ہمیشہ کہتا تھا کہ ہمیں ٹیکنالوجی کا مالک بننا ہے نہ کہ صرف صارف، ہمیں اختراعی بننا ہے۔ ریلائنس آج ایک گہری ٹیکنالوجی اورجدید مینوفیکچرنگ کمپنی بننے کی طرف بڑھ رہی ہے۔ ہم نے اسے ٹیلی کام کے ساتھ شروع کیا ہے۔

مکیش امبانی نے اپنے والد کو کیا یاد

اپنے والد دھیرو بھائی امبانی کو یاد کرتے ہوئے، انہوں نے کہا، “میرے والد کہتے تھے ریلائنس ایک عمل ہے، ایک ایسا ادارہ جو ہمارے بعد بھی جاری رہنا چاہیے۔ میں چاہتا ہوں کہ ریلائنس ہمارے بعد بھی زندہ رہے۔ ریلائنس 2027 میں اپنی گولڈن جوبلی منائے گا، میرا خواب ہے کہ ریلائنس 100 سال تک ہندوستان اورانسانیت کی خدمت جاری رکھے۔

بھارت ایکسپریس اردو۔