-بھارت ایکسپریس
کرناٹک میں بی جے پی کو نیا ریاستی صدربھلے ہی مل گیا ہے، لیکن پارٹی کا اندرونی انتشاررکنے کا نام نہیں لے رہا ہے۔ بی جے پی رکن پارلیمنٹ رمیش جگاجناگی نے کہا کہ اگرآپ دلت ہیں توآپ کو بی جے پی میں آگے بڑھنے کا موقع نہیں ملے گا۔ انہوں نے سابق وزیراعلیٰ بی ایس یدی یورپا کے بیٹے وجیندرکوریاستی صدربنائے جانے پرپارٹی ہائی کمان کی تنقید بھی کی ہے۔ انہوں نے ہائی کمان پرالزام لگایا کہ وجیندرکو اس لئے صدربنایا گیا ہے کیونکہ وہ یدی یورپا کے بیٹے ہیں۔
بی جے پی رکن پارلیمنٹ نے لگایا یہ الزام
رمیش جگاجناگی نے کہا کہ ہم نے وجیندرکو پارٹی صدرکے طورپرنامزد نہیں کیا ہے۔ پارٹی ہائی کمان نے ان کا نام اس لئے سامنے رکھا کیونکہ وہ یدی یورپا کے بیٹے کو پارٹی کا صدربنانا چاہتے تھے۔ ہم غیرت مند نہیں ہیں۔ ہم نے ایک بننے کا خواب بھی نہیں دیکھا ہے۔ ویسے بھی ہم پہلے سے ہی جانتے ہیں کہ ہم دلت ہیں۔ یہ ہم نے الیکشن اورلوک سبھا الیکشن میں بھی دیکھا ہے۔ اگردیگرامیرلیڈریا گوڑا (ووکالیگا) ہوتے تولوگ ان کی حمایت کرتے ہیں۔ تاہم اگرکوئی دلت ہوتوکوئی ساتھ نہیں دیتا۔ ہم یہ جانتے ہیں اور یہ بہت بدقسمتی ہے۔
حال ہی میں یدی یورپا کے بیٹے کو ملی ہے ذمہ داری
واضح رہے کہ ابھی حال ہی میں کرناٹک کے سابق وزیراعلیٰ بی ایس یدی یورپا کے بیٹے بی وائی وجیندرکو کرناٹک بی جے پی کا صدربنا دیا گیا ہے۔ حالانکہ ریاست میں اپوزیشن لیڈرمنتخب کیا جانا باقی ہے۔ اس سے پہلے نلن کمارکتیل کرناٹک کے بی جے پی صدرتھے۔ یہ بڑی تبدیلی 2024 کے لوک سبھا الیکشن سے پہلے کیا گیا ہے۔ پارٹی کونیا ریاستی صدرملنے کے بعد امید ہے کہ اب جلد ہی نیا اپوزیشن لیڈربھی مل جائے گا۔
-بھارت ایکسپریس
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…