جموں وکشمیر کی سابق وزیراعلیٰ محبوبہ مفتی نے حج کوٹے میں کٹوتی کا اٹھایا مسئلہ، وزیرخارجہ ایس جے شنکرسے کی یہ بڑی اپیل، جانئے پورا معاملہ

نئی دہلی: عازمین حج کے کوٹے کی کٹوتی سے متعلق کئی طرح کی خبریں سامنے آرہی ہیں۔ ایسا کہا جا رہا ہے کہ عازمین حج کے کوٹے میں زبردست تخفیف کی گئی ہے۔ اس کٹوتی کی خبروں کے سبب عازمین حج تو پریشان ہیں تو وہیں اس سے تمام آپریٹر بھی پریشان ہیں۔ اپوزیشن پارٹیوں کے لیڈران نے اتوارکو دعویٰ کیا ہے کہ سعودی عرب سے آرہی رپورٹوں سے اشارہ ملتا ہے کہ ہندوستان کے حج کوٹے میں اچانک تخفیف کی گئی ہے اور حکومت سے گزارش کی گئی ہے کہ وہ اس موضوع کو سعودی عرب کے سامنے اٹھائے اور بات چیت کا راستہ نکالیں۔ حالانکہ حکومت کی طرف سے اس معاملے پر اب تک کوئی باضابطہ بیان سامنے نہیں آیا ہے۔

پیپلزڈیموکریٹک پارٹی (پی ڈی پی) سربراہ محوبہ مفتی نے بھی موضوع کو اٹھایا ہے۔ انہوں نے سوشل میڈیا پلیٹ فارم ایکس پر ایک پوسٹ میں کہا کہ سعودی عرب سے پریشان کرنے والی خبر آرہی ہے۔ رپورٹس سے پتہ چلتا ہے کہ ہندوستان کے پرائیویٹ حج کوٹے میں 80 فیصد کی کٹوتی کردی گئی ہے۔ اچانک ہوئے اس فیصلے سے پورے ملک کے عامین حج اور ٹورآپریٹروں کو بھی کافی پریشانی ہو رہی ہے۔ انہوں نے کہا کہ وزارت خارجہ سے گزارش ہے کہ وہ اس معاملے کو سعودی حکومت کےسامنے اٹھاکر فوری مداخلت کریں۔

کانگریس لیڈر ڈاکٹر سید ناصر حسین کی بڑی اپیل

کانگریس جنرل سکریٹری سید ناصرحسین نے کہا کہ انہیں یہ جان کرحیرانی ہوئی کہ 52,000  ہندوستانی عازمین حج کے سلاٹ ادائیگی کے باوجود منسوخ کردیئے گئے ہیں۔ انہوں نے کہا کہ میں وزیرخارجہ ڈاکٹرایس جے شنکرسے گزارش کرتا ہوں کہ وہ سعودی افسران کے ساتھ فوری بات چیت شروع کریں تاکہ اس کا حل نکالا جاسکے اوریہ یقینی بنایا جاسکے کہ ہندوستان کوسلاٹ واپس مل جائیں۔ ہندوستان کی بڑی مسلم آبادی زیادہ تعداد میں سلاٹ کی حقدار ہے۔

ہندوستان کو ملا کتنا کوٹہ؟

بھارت ایکسپریس اردو۔