Mamata Banerjee fumes over the Bengal Election Results: ”ہم الیکشن نہیں ہارے، ہمیں ہرایا گیا، میں استعفیٰ نہیں دوں گی“، اسمبلی الیکشن میں ہار کے بعد ممتا بنرجی کا اعلان

مغربی بنگال اسمبلی الیکشن میں زبردست ہارکے بعد ترنمول کانگریس کی سربراہ ممتا بنرجی نے الزام لگایا ہے کہ وہ الیکشن میں ہاری نہیں ہیں، بلکہ انہیں ہرایا گیا ہے۔ 100 سیٹوں پرووٹوں کی لوٹ ہوئی ہے۔ ممتا بنرجی نے کہا کہ ہماری لڑائی صرف بی جے پی سے نہیں تھی، ہمیں الیکشن کمیشن سے بھی لڑنا تھا۔ الیکشن کمیشن کا رویہ پوری طرح سے جانبدارانہ تھا۔ جمہوریت کا قتل ہوا ہے۔ ممتا بنرجی نے واضح طورپرکہا کہ وہ الیکشن نہیں ہاری ہیں۔ وہ راستہ پرتھیں اورراستہ پررہیں گی۔ وہ راج بھون جا کراستعفیٰ نہیں دیں گی۔

ممتا بنرجی نے کہا کہ مجھے راج بھون کیوں جانا چاہئے؟ اگرمجھے حلف لینا ہوتا تومیں چلی جاتی۔ انہوں نے قبضہ کرلیا ہے۔ کیا آپ کولگتا ہے کہ میں استعفیٰ دے دوں؟ میں نہیں جاوں گی، میں سڑکوں پرتھی، میں سڑکوں پرہی رہوں گی۔ انہوں نے کہا کہ الیکشن کے بعد ای وی ایم مشینوں پرچارج لگائے گئے۔ دوفیزمیں الیکشن ہونے کے بعد انہوں نے ہمارے لوگوں کوگرفتارکرنا شروع کردیا اورافسران کا ٹرانسفرکرنا شروع کردیا۔ وہ اپنی ہی پارٹی کے بیوروکریٹس کولے آئے۔

انڈیا الائنس کے لیڈران ہمارے ساتھ: ممتا بنرجی

انہوں نے کہا کہ میں نے اس طرح کا الیکشن کبھی نہیں دیکھا۔ میں نے 2004 میں بھی اس طرح کا ظلم نہیں دیکھا۔ سونیا گاندھی، راہل گاندھی، ادھوٹھاکرے، ہیمنت سورین سے لے کرانڈیا الائنس کے کئی لوگوں نے مجھ سے بات کی۔ اکھلیش یادوکل آرہے ہیں۔ ممتا بنرجی نے کہا کہ مجھے بوتھ سے دھکّا مارکرنکالا۔ میں ایک خاتون تھی، لیکن میرے ساتھ کیسے برتاوکیا۔ اگر میرے ساتھ ایسا برتاوکیا، تودیگرلوگوں کے ساتھ کیسا کرے گا۔

ہم ٹائیگرکی طرح لڑے: ممتا بنرجی

بھارت ایکسپریس اردو-