Mallikarjun Kharge On Inflation: مہنگائی سے ملک کی عام پریشان،حکومت کے وزرا جھوٹ اور پرو پیگنڈہ پھیلانے میں مصروف،کھرگے کا حکومت پر نشانہ

Mallikarjun Kharge On Inflation: ملک بھر میں ٹما ٹر کی بڑھتی قیمتوں کے درمیان مرکزی حکومت ایک بار پھر اپوزیشن کے نشانے پر آگئی ہے۔ مہنگائی کے معاملے پر اپوزیشن نے مودی حکومت کو گھیرنے کی تیاریاں  مکمل کر لی ہیں۔ اس دوران کانگریس صدر ملکارجن کھرگے نے بھی مہنگائی کے اثرات کا ذکر کرتے ہوئے ایک ٹویٹ میں حکومت کو نشانہ بنایا۔ کانگریس صدر ملکارجن کھرگے نے کہا کہ پچھلے 9 سالوں سے عوام صرف مہنگائی کی آگ میں جل رہی ہے۔ نوجوان روز گار کے حصول کے لئے بھٹک رہے ہیں،لوگ پریشان ہیں، تاہم مرکزی حکومت کو اس سے کوئی سروکار نہیں ہے۔ کانگریس صدر ملکا رجن کھرگے نے الزام لگایا کہ مرکزی کی مودی حکومت کے وزراء روزانہ مہنگائی کے  معاملہ پر آئے دن نئے نئے بہانے بناتے ہیں۔

کانگریس کے قومی صدر ملکارجن کھرگے نے ٹوئٹر پر لکھا، ’’بہت زیادہ مہنگائی ہوئی ہے‘‘۔ نتیجہ یہ ہے کہ گزشتہ 9 سالوں سے عوام کی پلیٹ صرف مہنگائی کی آگ میں جل رہی ہے۔ اشیائے ضروریہ کی قیمتوں میں کوئی کمی نہیں ہوئی ہے اور بی جے پی کی لوٹ مار عوام کی کمائی پر حاوی ہے۔ مودی جی کے وزراء مہنگائی کے حوالے سے روزانہ نت نئے بہانے بناتے ہیں اور عوام کی خالی پلیٹ میں جھوٹ اور پروپیگنڈہ کرتے رہتے ہیں۔

کھرگے نے اپنے ٹوئٹ میں مزید کہا، ایکو سسٹم کے کچھ چوکیدار ہمیں یہاں تک گنواتے ہیں کہ مہنگائی ہمارے لیے کتنی اچھی ہے، مودی جی نے کچھ سوچ کر ہی کیا ہوگا۔ ایسے گوئبلز لیکچرز سے عوام کو گمراہ کرتے ہیں! لیکن اب لوگ باشعور ہو رہے ہیں۔ عوام جان چکے ہیں کہ مہنگائی کی اصل سرپرست صرف مودی سرکارہے۔ !

گزشتہ چند دنوں سے تقریباً ہر سبزی میں استعمال ہونے والے ٹماٹر کی قیمت 100 روپے سے تجاوز کر گئی ہے۔ کئی شہروں میں ٹماٹر 120 روپے کلو تک فروخت ہو رہے ہیں۔ جس کی وجہ سے عوام مہنگائی کی زد میں ہیں۔ ٹماٹر کے علاوہ دیگر کئی چیزوں کی قیمتوں میں غیر معمولی اضافے سے عوام کا بجٹ بھی بگڑ گیا ہے۔ اپوزیشن اس حوالے سے مودی حکومت سے سوال پوچھ رہی ہے۔