قومی

Verdict in Malegaon Blast Case: مالیگاؤں بم دھماکہ معاملہ، فیصلے سے متاثرین کو ہوئی مایوسی، سپریم کورٹ سے کریں گے رجوع

مالیگاؤں: مالیگاؤں بم دھماکہ کیس میں 17 سال کی طویل قانونی جنگ کے بعد بالآخر جمعرات کے روز نیشنل انویسٹی گیشن ایجنسی (این آئی اے) کی خصوصی عدالت نے اپنا فیصلہ سنا دیا۔ عدالت نے عدم ثبوت کی بنا پر ساتوں ملزمان کو بری کر دیا۔ لیکن، اس فیصلے سے متاثرہ خاندانوں کو مایوسی ہوئی ہے۔ مقامی لوگوں اور متاثرین نے اسے انصاف نہیں بلکہ بہت بڑی ناانصافی قرار دیتے ہوئے سپریم کورٹ کا دروازہ کھٹکھٹانے کا اعلان کیا ہے۔

’’ہمیں جو امید تھی، اس طرح سے فیصلہ نہیں آیا‘‘

عدالت کے فیصلے پر مولانا قیوم قاسمی نے کہا، ’’ہمیں جو امید تھی، اس طرح سے فیصلہ نہیں آیا۔ ہیمنت کرکرے نے جو امید کی کرن دکھائی تھی وہ ہمارے حق میں نہیں آئی۔ مالیگاؤں کے متاثرین غریب اور مظلوم ہیں، لیکن ان کے حق میں فیصلہ نہیں آیا۔ اب ہم سپریم کورٹ جائیں گے۔‘‘

’’غلط پنچنامہ تیار کرنے کا نتیجہ ہے یہ فیصلہ‘‘

مولانا قاسمی نے مزید کہا، ’’آج کا فیصلہ مالیگاؤں کے لیے مایوسی لے کر آیا ہے۔ عدالتوں پر جو بھروسہ تھا، اس میں بھی لوگوں کے درمیان کمی محسوس ہو رہی ہے۔ یہ فیصلہ پنچنامہ تیار کرنے والوں کی غلطی کا نتیجہ ہے ۔ کئی معاملوں میں ملزمان کو صرف کاغذی کمیوں کی وجہ سے چھوڑ دیا گیا ہے۔ ہم مانتے ہیں کہ حکومت اور عدالتوں پر دباؤ تھا، جس کی وجہ سے ہمیں انصاف نہیں ملا۔‘‘

’’انہیں ثبوتوں کے ساتھ پکڑا گیا تھا‘‘

متاثر کے والد لیاقت شیخ نے بھی فیصلے پر برہمی کا اظہار کرتے ہوئے کہا، ’’ہمارے ساتھ غلط ہوا ہے، مجرموں کو سزا ملنی چاہئے تھی، انہیں ثبوتوں کے ساتھ پکڑا گیا تھا، یہ سراسر ناانصافی ہے، اب ہم سپریم کورٹ کا رخ کریں گے۔

ایک اور متاثر کے والد نے کہا کہ 17 سال بعد عدالت کا یہ فیصلہ ہمارے لیے چونکانے والا ہے۔ ہمیں انصاف نہیں ملا۔ ہم سپریم کورٹ جائیں گے۔ ہر حال میں ہمیں انصاف چاہئے۔ خاندان کے ایک فرد نے کہا کہ آج عدالت کا جو فیصلہ آیا ہے، وہ انصاف نہیں ہے۔ ہمیں انصاف چاہتے ہیں اور اس کے لیے ہم سپریم کورٹ جائیں گے۔

کیا تھا سارا معاملہ

دراصل، 29 ستمبر 2008 کو مہاراشٹر کے ناسک ضلع کے مالیگاؤں میں ایک بم دھماکہ ہوا تھا، جس میں 6 لوگوں کی جان چلی گئی تھی۔ دھماکے کے نتیجے میں 100 سے زائد افراد زخمی بھی ہوئے تھے۔ یہ دھماکہ اس وقت ہوا جب لوگ نماز ادا کرنے جا رہے تھے۔ بم دھماکے کے ایک دن بعد 30 ستمبر 2008 کو مالیگاؤں کے آزاد نگر تھانے میں کئی دفعات کے تحت مقدمہ درج کیا گیا تھا۔

بم دھماکے سے کیسے جڑا پرگیہ کا نام

اس معاملے کی ابتدائی جانچ پولیس نے کی تھی، لیکن اس کے بعد پوری تفتیش اے ٹی ایس کے ہاتھ میں چلی گئی۔ تحقیقات سے معلوم ہوا کہ ایل ایم ایل فریڈم کی موٹر سائیکل میں بم لگایا گیا تھا۔ جس کی وجہ سے دھماکہ ہوا،لیکن موٹر سائیکل پر نمبر غلط لگا ہوا تھا۔ جب موٹر سائیکل کی جانچ شروع کی گئی تو دعویٰ کیا گیا کہ یہ سادھوی پرگیہ سنگھ ٹھاکر کے نام پر تھی۔ دھماکے کے تقریباً ایک ماہ بعد سادھوی پرگیہ سمیت 2 اور لوگوں کو گرفتار کیا گیا۔ اس معاملے میں کل 11 لوگوں کو گرفتار کیا گیا تھا۔

آپ کو بتا دیں کہ عدالت نے مالیگاؤں دھماکے میں ہلاک ہونے والوں کے لواحقین کو معاوضہ کے طور پر دو دو لاکھ روپے دینے کا حکم دیا ہے۔ جبکہ زخمیوں کو پچاس پچاس ہزار روپے دینے کا حکم دیا ہے۔

بھارت ایکسپریس۔

Md Hammad

Recent Posts

Rani Lakshmibai Birth Anniversary: رانی لکشمی بائی کی یوم پیدائش پر وزیر اعظم مودی اور امت شاہ نے پیش کیا خراج عقیدت

وزیر اعظم نے انہیں ہندوستان کی بہادر بیٹی قرار دیا، امت شاہ نے کہا کہ…

30 minutes ago

Naturopathy Day: نیچروپیتھی ڈے کے موقع پر ملک بھر میں نشہ مکت بھارت مہم کا آغاز، 5 ہزار آروگیہ کیمپ لگانے کا اعلان

نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…

1 hour ago

Adani Energy Solutions Bihar Project: اڈانی انرجی سولیوشنز نے بہار میں ٹرانسمیشن پروجیکٹ حاصل کیا، 2400 میگاواٹ بجلی کی ترسیل کا ہوگا انتظام

پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…

1 hour ago

Impact of ‘Akwan’ in West Bengal: مغربی بنگال میں سمندری طوفان ’اکوان‘ کا اثر، کولکاتا سمیت کئی اضلاع میں بارش

تازہ معلومات کے مطابق، ’اکوان‘ 12 کلومیٹر فی گھنٹہ کی رفتار سے شمال کی جانب…

1 hour ago