Sukma Naxalites Attack: چھتیس گڑھ میں سی آرپی ایف کیمپ پر بڑا نکسلی حملہ، تین جوان شہید اور 14 زخمی

چھتیس گڑھ کے سکما اوربیجا پورضلع کے سرحدی علاقے ٹیکل گڑیم میں نکسلیوں نے منگل کے روزایک بڑی واردات کو انجام دیا ہے۔ سی آرپی ایف کوبرا اور ڈی آرجی کی مشترکہ جوانوں کی ٹیم پر نکسلیوں کے ذریعہ فائرنگ کرنے سے تین جوان شہید ہوگئے جبکہ 14 جوان زخمی ہوگئے ہیں، جس میں ایک جوان کی حالت کافی سنگین بتائی جارہی ہے۔

ٹیکل گڑیم میں آج ہی کھلا پولیس کا نیا کیمپ

دراصل منگل کو ہی ٹیکل گڑیم میں پولیس نے نیا کیمپ قائم کیا ہے۔ اس کیمپ کی سیکورٹی میں لگے جوان کیمپ کے قیام کے بعد جونا گڑا-علی گڑا علاقے میں گشت پر نکلے ہوئے تھے، اسی دوران پہلے سے ہی گھات لگائے بیٹھے نکسلیوں نے فوجیوں پر فائرنگ کی اور 100 سے زائد بی جی ایل کو بھی گولی مار دی، سپاہیوں نے فوراً چارج سنبھال لیا اورجوابی کارروائی کی۔

بتایا جا رہا ہے کہ دونوں طرف سے تقریباً تین سے چارگھنٹے تک فائرنگ چلی۔ اس دوران نکسلیوں نے 100 سے زیادہ بی جی ایل (بیرل گرینیڈ لانچر) جوانوں پرداغے، جس سے کئی زخمی زخمی ہوئے اور تین جوانوں کو گولی لگنے سے شہید ہوگئے۔ کچھ زخمی جوانوں کی حالات تشویشناک بتائی جارہی ہے۔ فی الحال جوانوں کو بہتر علاج کے لئے ہیلی کاپٹر سے رائے پور ریفرکیا جا رہا ہے۔ بسترآئی جی سندر راج پی نے حادثہ کی تصدیق کی ہے۔

نکسلیوں نے سال 2021 میں بھی کیا تھا حملہ

بسترآئی جی سندرراج پی نے بتایا کہ مسلسل نکسلیوں کو کور علاقے میں پولیس نئے کیمپ قائم کررہی ہے۔ سکما-بیجا پور کے سرحد پرموجود ٹیکل گڑیم میں بھی منگل کو ہی نیا کیمپ قائم کیا گیا ہے۔ یہ وہی علاقہ ہے جہاں نکسلیوں نے سال 2021 میں جوانوں کو ایمبش میں پھنسا کران پرفائرنگ کی تھی، جس میں 23 جوانوں کی شہادت ہوگئی تھی، اس کے بعد سے اس علاقے میں نکسلیوں کی پکڑکمزور کرنے کے لئے مسلسل پولیس یہاں کیمپ قائم کرنے کی حکمت عملی بنا رہی تھی اورمنگل کوسی آرپی ایف اورڈی آرجی جوانوں کی موجودگی میں باقاعدہ یہاں کیمپ قائم کیا گیا۔ اسی کیمپ کی سیکورٹی کے لئے آس پاس کے علاقوں میں ایریا ڈومینیشن کےلئے کوبرا اورڈی آرجی کی مشترکہ جوانوں کی ٹیم کو بھیجا گیا تھا۔ اسی پولیس پارٹی پر نکسلیوں نے حملہ کیا۔ تصادم کی اطلاع ملنے کے ساتھ ہی فوراً ٹیکل گڑیم کیمپ سے اضافی پولیس فورس کو روانہ کیا گیا، جہاں پولیس کو بھاری پڑتا دیکھ کرنکسلی بھاگ کھڑے ہوئے۔