Jharkhand CBI Raid: جھارکھنڈ میں انتخابات سے پہلے سی بی آئی کی بڑی کارروائی: نیمبو پہاڑی علاقے میں 16 مقامات پر چھاپہ

Jharkhand CBI Raid: جھارکھنڈ میں اسمبلی انتخابات سے پہلے ملک کی سب سے بڑی جانچ ایجنسی سینٹرل بیورو آف انویسٹی گیشن (سی بی آئی) نے ایک بڑی کارروائی کی ہے۔ منگل (5 نومبر، 2024) کو سی بی آئی نے ریاست کے غیر قانونی کانکنی گھوٹالہ معاملے میں نیمبو پہاڑ علاقے میں چھاپہ مارا۔ سی بی آئی نے تین ریاستوں میں 16 مقامات پر چھاپے مارے ہیں۔ اس چھاپے کے دوران بھاری مقدار میں نقدی، سونے اور چاندی کے زیورات برآمد ہوئے ہیں۔ یہ جانکاری افسران نے دی۔

چھاپے سے متعلق بڑی چیزیں:

3 ریاستوں میں 16 مقامات پر چھاپے

عدالت کے حکم پر مقدمہ نومبر 2023 میں درج کیا گیا تھا۔

جھارکھنڈ میں 14 مقامات (11 صاحب گنج اور 3 رانچی)، ایک کولکاتہ، مغربی بنگال اور ایک پٹنہ، بہار میں۔

50 لاکھ نقد، 1 کلو سونا اور کچھ چاندی کے زیورات برآمد ہوئے۔

مختلف مقامات سے 50 لاکھ روپے ضبط

یہ چھاپے جھارکھنڈ کے تین اضلاع صاحب گنج، پاکوڑ اور راج محل میں مارے گئے ہیں۔ تین اضلاع میں جن لوگوں کے گھروں پر چھاپے مارے گئے وہ تمام افراد پنکج مشرا کے قریبی بتائے جا رہے ہیں۔ اس کے علاوہ کولکاتہ اور پٹنہ میں بھی سی بی آئی نے چھاپے مارے ہیں۔ 1200 کروڑ روپے کی غیر قانونی کانکنی کے معاملے میں سی بی آئی نے چھاپے کے دوران مختلف مقامات سے 50 لاکھ روپے ضبط کیے ہیں۔ صاحب گنج میں جن مقامات پر سی بی آئی نے چھاپہ مارا ہے ان میں یہ سات لوگ شامل ہیں۔

راج محل ادھوا کے مہتاب عالم

مرزاچوکی کے رنجن ورما، سنجے جیسوال

برہاروا کے سبرتو پال

ٹنکل بھگت

اودھ کشور سنگھ عرف پترو سنگھ

برہاروا کے بھگوان بھگت

کرشنا شاہ

یہ بھی پڑھیں- BJP believes in batenge to katenge: بانٹنے والے تم ہو اور کاٹنے والے بھی تم ہی ہو، یوگی آدتیہ ناتھ کو ملکارجن کھرگے کا جواب،پی ایم مودی کو بھی بنایا نشانہ

نامکم سے لاکھوں مالیت کی نقدی برآمد

رانچی میں سی بی آئی کی ٹیم پریم پرکاش نامی شخص کے گھر پہنچی۔ نہ صرف پریم پرکاش بلکہ ان کے سی اے جے پوریار کے گھر پر بھی چھاپہ مارا گیا ہے۔ اس کے ساتھ ہی پولیس نے نامکم کی ایک یونیورسٹی اور اسپتال پر بھی چھاپہ مارا ہے جہاں سے بڑی مقدار میں نقدی بھی برآمد ہوئی ہے۔

-بھارت ایکسپریس