Maharashtra DGP Rashmi Shukla Transferred : مہاراشٹر میں الیکشن سے قبل ڈی جی پی کو ہٹایا گیا، اپوزیشن کی شکایت کے بعد الیکشن کمیشن نے لیا ایکشن

مہاراشٹر میں اسمبلی انتخابات کے پیش نظر سیاسی گہما گہمی اپنے شباب پر ہے۔ اس بیچ مہاراشٹر کی ڈی جی پی رشمی شکلا کے خلاف اپوزیشن نےمسلسل سوالات اٹھارہی تھی،اور یہ الزام لگارہی تھی کہ ڈی جی پی رشمی شکلا  مہاراشٹر کے ڈپٹی سی ایم دیویندر فڑنویس کے اشارے پر کام کررہی ہیں، اور انتخابات کو متاثر کرنے کی کوشش کی جارہی ہے۔

ایم وی اے نے اس سلسلے میں الیکشن کمیشن سے شکایت بھی کی تھی۔ اب الیکشن کمیشن نے ایم وی اے کے اعتراضات اور درخواست کو مدنظر رکھتے ہوئے مہاراشٹر کی ڈی جی پی رشمی شکلا کو ہٹادیا ہے اور ان کا تبادلہ کردیا ہے۔ آئندہ دو تین دنوں میں نئے ڈی جی پی کے نام کا اعلان ہوجائے گا، تب تک لاء اینڈ آرڈر کی قیادت سینئر آئی پی ایس افسران کریں گے۔

بھارت ایکسپریس۔