Gangster Sanjeev Jeeva shot at inside Lucknow’s Civil Court: گینگسٹر جیوا کا پیشی کے دوران گولی مارکر قتل، کورٹ احاطے میں وکیل کے لباس میں آئے تھے قاتل

لکھنؤ کے قیصرباغ کے سول کورٹ کے اندرگینگسٹرسنجیو مہیشوری عرف جیوا کا گولی مارکرقتل کردیا گیا۔ حملہ آوروکیل کی لباس میں آئے تھئے۔ سنجیو مہیشوری عرف جیوا، کرشنا نند رائے قتل معاملے میں بھی ملزم ہے۔ وہ بی جے پی لیڈربرہمادت دویدی قتل سانحہ کا ملزم تھا۔ پیشی کے لئے سنجیو مہیشوری عرف جیوا کو عدالت میں لایا گیا تھا۔ کورٹ کیمپس گولی سانحہ میں چار پانچ لوگوں کے زخمی ہونے کی بھی خبر ہے۔ سنجیو مہیشوری جیوا مغربی یوپی کا گینگسٹرتھا۔

پولیس نے ایک حملہ آورکو حراست میں لیا ہے۔ زخمی حالت میں حملہ آورکو پولیس اسپتال لے گئی۔ اس حادثہ کے بعد وکیلوں میں زبردست ناراضگی چل  رہی ہے۔ وکیلوں نے سیکورٹی سے متعلق تشویش کا اظہار کیا ہے۔

 کرشنا نند رائے کے قتل معاملے میں ہوئی تھی گرفتاری

اترپردیش کے مظفرنگر کے رہنے والے جیوا کو 2006  میں بی جے پی رکن اسمبلی کرشنا نند رائے اور یوپی کے وزیراعلیٰ برہمادت دویدی کے قتل معاملے میں گرفتار کیا گیا تھا۔ جیوا اور سماجوادی پارٹی کے سابق رکن اسمبلی وجے سنگھ کو دویدی کو قتل کے الزام میں عمرقید کی سزا سنائی گئی تھی۔ سنجیو جیوا پر چار دیگر قتل کا معاملہ چل رہا ہے۔ سنجیو جیوا پر سپاری کلنگ کا الزام لگتا رہا ہے۔

وکیلوں نے کیا تشویش کا اظہار

حادثہ کے بعد وکیلوں میں زبردست ناراضگی ہے۔ وکیلوں نے سیکورٹی سے متعلق تشویش کا اظہار کیا۔ چشم دید نے بتایا کہ حملہ آور نے 6 گولیاں چلائی تھیں۔ کورٹ احاطے میں خون کے دھبے گرے ہوئے ہیں۔ دیواروں پر بھی خون کے دھبے ہیں۔ حادثہ کے بعد پولیس نے وہاں سے لاش کو ہٹا دیا ہے۔