Lok Sabha Elections 2024: لوک سبھا الیکشن سے قبل این ڈی اے میں پھوٹ یا دباؤ کی تیاری؟ سنجے نشاد نے بڑا اعلان کرکے مچا دی سنسنی

Lok Sabha Elections 2024: لوک سبھا الیکشن 2024 کی تیاریاں شروع ہوگئی ہیں۔ ایک طرف بی جے پی کے خلاف اپوزیشن جماعتوں نے انڈیا نام سے اتحاد بنالیا ہے۔ وہیں دوسری این ڈی اے نے بھی کئی پارٹیوں کو شامل کرکے بڑا پیغام دیا ہے۔ اس درمیان یوپی کے سابق وزیراوم پرکاش راج بھرکی قیادت والی پارٹی سہیل دیوسماج پارٹی کے این ڈی اے میں شامل ہونے کے بعد پھوٹ پڑنے کے آثاردکھائی دے رہے ہیں۔ یوپی میں پہلے سے این ڈی اے کا حصہ نشاد پارٹی کے سربراہ اوریوگی حکومت میں وزیرسنجے نشاد نے ایک ایسا اعلان کیا ہے، جس نے ریاست میں سیاسی درجہ حرارت میں اضافہ کردیا ہے۔

سنجے نشاد گزشتہ کچھ دنوں سے کافی سرخیوں میں ہیں۔ پہلے انہوں نے پھولن دیوی قتل سانحہ سے متعلق مرکزی حکومت اور ریاستی حکومت کو خط لکھا۔ اس کے بعد اب انہوں نے بدھ کے روز ایک ٹوئٹ کرکے لکھا، “نشاد پارٹی لوک سبھا کی 37 سیٹوں پر لڑنے کو تیارہے۔ ہم اپنے انتخابی نشان پرالیکشن لڑیں گے۔” سنجے نشاد کے اس اعلان سے ریاست کے سیاسی گلیاروں میں کھلبلی مچ گئی۔ اس کے بعد تمام طرح کی قیاس آرائیاں شروع ہوگئی ہیں۔

سنجے نشاد نے مچائی سنسنی

نشاد پارٹی کے سربراہ نے اپنے ٹوئٹ میں مزید لکھا، “بی جے پی 2019 میں جن سیٹوں پر ہاری تھی، وہ سبھی ہمیں دے دے۔ ہم انہیں جیت کر دے دیں گے۔ نشاد پارٹی لوک سبھا کی 37 سیٹوں پر لڑنے کو تیار ہے۔ ہم اپنے سمبل پر الیکشن لڑیں گے۔”

یہ بھی پڑھیں:  Big Discord in Delhi Haj Committee: دہلی حج کمیٹی میں سرپھٹوّل، عام آدمی پارٹی کے ایم ایل اے حاجی یونس نے کہا- چیئرپرسن کے خلاف کریں گے قانونی کارروائی