Lok Sabha Election 2024: اعظم خان کی بہو کو اس سیٹ سے امیدوار بنارہی ہے سماجوادی پارٹی،شفیق الرحمن برق کے پوتے کو بھی ٹکٹ!

سماج وادی پارٹی جلد ہی لوک سبھا انتخابات 2024 کے لیے اپنے امیدواروں کی چوتھی فہرست جاری کر سکتی ہے۔ اس فہرست میں 13 امیدوارکے نام شامل کیے جا سکتے ہیں۔ ایس پی کے لوک سبھا امیدواروں کی آنے والی چوتھی فہرست میں کئی نئے چہرے  دیکھنے کو ملیں گے۔ سب سے اہم بحث یہ ہے کہ پارٹی جونپور سے لکی یادو کو ٹکٹ دے سکتی ہے۔حال ہی میں سیاسی حلقوں میں اس بات کو لے کر کافی بحث تھی کہ سماج وادی پارٹی جونپور سیٹ سے دھننجے سنگھ کو ٹکٹ دے سکتی ہے، لیکن وہ جیل چلے گئے۔ جس کی وجہ سے وہ اب الیکشن نہیں لڑ سکیں گے۔ اس کے بعد خبریں آئیں کہ دھننجے سنگھ کی بیوی شری کلا جونپور سے الیکشن لڑ سکتی ہیں۔ تاہم اب یہ یقینی سمجھا جا رہا ہے کہ لکی یادو کو ٹکٹ ملے گا۔

پلوی پٹیل کو پھولپور سے ٹکٹ مل سکتا ہے

اس کے علاوہ سماج وادی پارٹی پلوی پٹیل کو پھول پور لوک سبھا سیٹ سے الیکشن لڑا سکتی ہے۔ پارٹی انہیں مرزا پور سے ٹکٹ کی پیشکش بھی کر رہی ہے۔ اس کے علاوہ راگنی سونکر کو مچھلی شہر سے ٹکٹ ملنے کا امکان ہے۔ اعظم خان کی بہو تنظیم خان رام پور سے الیکشن لڑیں گی۔ پارٹی علی گڑھ سے گڈو پنڈت کو میدان میں اتار سکتی ہے۔اس کے علاوہ یہ خبر بھی ہے کہ سماج وادی پارٹی کے سربراہ اکھلیش یادو نے جموں و کشمیر کے سابق گورنر ستیہ پال ملک کو علی گڑھ سے الیکشن لڑنے کی پیشکش کی ہے۔ تاہم ستیہ پال ملک نے انکار کر دیا ہے۔ وہیں میرٹھ سے اتل پردھان کا نام آگے ہے۔

دھرمیندر یادو اعظم گڑھ سے الیکشن لڑ سکتے ہیں

سماج وادی پارٹی سنبھل سے ضیاءالبرق کے کو ٹکٹ دے سکتی ہے۔ مرادآباد سے ایس ٹی حسن کو ٹکٹ ملنا یقینی سمجھا جارہا ہے۔ دھرمیندر یادو اعظم گڑھ سے الیکشن لڑ سکتے ہیں۔ اکھلیش یادو قنوج سے الیکشن لڑ سکتے ہیں۔ اس کے ساتھ ہی چندر شیکھر آزاد انڈیا الائنس کے تحت نگینہ سے الیکشن لڑ سکتے ہیں۔اس سے قبل ایس پی نے لوک سبھا انتخابات 2024 کے لیے اپنے امیدواروں کی تیسری فہرست جاری کی تھی۔ اس میں پانچ امیدواروں کے ناموں کا اعلان کیا گیا۔ ایس پی صدر اکھلیش یادو کے چچا شیو پال سنگھ یادو کو بدایوں سیٹ سے امیدوار بنایا گیا ہے، جب کہ کیرانہ سے اقراء حسن، بریلی سے پروین سنگھ ارون، ہمیر پور سے اجیندر سنگھ راجپوت اور وارانسی سے سریندر سنگھ پٹیل کو ٹکٹ ملا ہے۔

بھارت ایکسپریس۔