Lok Sabha Election 2024: برج بھوشن کو نہیں ملا ٹکٹ، بی جے پی نے قیصر گنج سے کرن بھوشن سنگھ اور رائے بریلی سے دنیش پرتاپ کو بنایا امیدوار

بی جے پی نے یوپی کی دو لوک سبھا سیٹوں کیلئے اپنے امیدواروں کے ناموں کا اعلان کردیا ہے۔ ان دو سیٹوں میں ایک سیٹ رائے بریلی کی ہے جبکہ دوسری سیٹ قیصر گنج کی ہے۔ قیصر گنج کے رکن پارلیمنٹ برج بھوشن سنگھ کا ٹکٹ کاٹ کر بی جے پی نے اس بار ان کے بیٹے کرن بھوشن کو میدان میں اتارا ہے ۔ جبکہ بی جے پی نے رائے بریلی سے دنیش پرتاپ کو میدان میں اتارا ہے۔

بھارتیہ جنتا پارٹی نے لوک سبھا انتخابات کے لیے اتر پردیش کے رائے بریلی لوک سبھا حلقہ سے اپنے امیدوار کا اعلان کر دیا ہے۔ بی جے پی نے دنیش پرتاپ سنگھ کو اپنا امیدوار بنایا ہے۔ دنیش پرتاپ سنگھ اس سے قبل انڈین نیشنل کانگریس کی سابق صدر اور رائے بریلی سے سابق ایم پی سونیا گاندھی کے خلاف الیکشن لڑ چکے ہیں۔تاہم انڈین نیشنل کانگریس کی جانب سے ابھی تک امیدوار کا اعلان نہیں کیا گیا ہے۔ بی جے پی نے سوشل میڈیا سائٹ پر لکھا رائے بریلی کے علاوہ بی جے پی نے قیصر گنج سے بھی امیدوار کھڑے کیے ہیں۔ پارٹی نے کرن بھوشن سنگھ کو اپنا امیدوار بنایا ہے۔

دنیش پرتاپ سنگھ نے سال 2019 میں الیکشن لڑا تھا۔ 2019 میں ایک انتخابی ریلی میں، جب پی ایم مودی نے دنیش پرتاپ سنگھ کے کندھے پر ہاتھ رکھا۔ اس کی تصاویر بھی وائرل ہوئیں۔ اس کے بعد ہی ان کا قد بی جے پی میں بڑھنے لگا۔ دنیش پرتاپ سنگھ پہلے کانگریس میں تھے۔ ذرائع کا دعویٰ ہے کہ دنیش سنگھ نے سنجے سیٹھ کے راجیہ سبھا انتخاب میں بھی اہم کردار ادا کیا تھا۔

دنیش پرتاپ سنگھ نے کیا کہا؟

رائے بریلی سے امیدوار بنائے جانے کے بعد سنگھ نے کہا کہ وہ ملک کے وزیر اعظم، ملک کے وزیر داخلہ، صدر جے پی نڈا اور رائے بریلی کے بی جے پی کارکنوں کا شکریہ ادا کرنا چاہتے ہیں۔ میں یقین دلانا چاہتا ہوں کہ میں امتحان میں کھڑا رہوں گا اور کمل کو کھلا وں گا۔ میں گاندھی خاندان میں پیدا نہیں ہوا، میں نے سونے کے پیالے میں چاندی کے چمچ سے کھانا نہیں کھایا۔ میں گاؤں کا آدمی ہوں۔ انہوں نے کہا کہ رائے بریلی سے فرضی گاندھیوں کی روانگی یقینی ہے۔ پرینکا گاندھی اور راہل گاندھی میرے لیے اہم نہیں ہیں۔ اگر کوئی گاندھی رائے بریلی آئے گا تو اسے شکست ہوگی۔

بھارت ایکسپریس۔