Patna High Court Verdict: پی ایم مودی کے جلسہ میں بم دھماکہ کرنے والے ملزمین کو عمر قید، پٹنہ ہائی کورٹ کا فیصلہ

Patna High Court Verdict: پٹنہ ہائی کورٹ نے پٹنہ کے گاندھی میدان میں نریندر مودی کی ریلی میں بم دھماکہ کرنے والے چاروں ملزمین کی سزا کو عمر قید میں تبدیل کر دیا ہے۔ چاروں ملزمین کو نچلی عدالت نے موت کی سزا سنائی تھی۔ بدھ کو عدالت نے اس پر اپنا اہم فیصلہ سنایا۔ سلسلہ وار دھماکے کا یہ معاملہ 27 اکتوبر 2013 کا ہے، جب نریندر مودی پٹنہ کے گاندھی میدان میں ایک جلسہ عام سے خطاب کرنے آئے تھے۔ اسی وقت سلسلہ وار دھماکہ ہوا۔

دراصل ملزمین نے نچلی عدالت کے فیصلے کو پٹنہ ہائی کورٹ میں چیلنج کیا تھا۔ پٹنہ کے گاندھی میدان پولیس اسٹیشن میں اس سلسلے میں ایف آئی آر درج کی گئی۔ اس کے بعد 31 اکتوبر 2013 کو این آئی اے نے کیس کو اپنے ہاتھ میں لیا۔ بدھ کو عدالت نے مجرم امتیاز عالم، حیدر علی، نعمان انصاری اور مجیب اللہ انصاری کی سزائے موت کو تبدیل کر دیا۔ اس معاملے پر سماعت مکمل کرنے کے بعد جسٹس آشوتوش کمار کی ڈویژن بنچ نے فیصلہ محفوظ کر لیا تھا، جسے آج سنایا گیا۔

آپ کو بتاتے چلیں کہ 2013 میں جب یہ واقعہ پیش آیا تھا، اس وقت گاندھی میدان میں بی جے پی کی ہنکار ریلی نکالی گئی تھی۔ اسی دوران پہلا بم دھماکہ پٹنہ جنکشن کے پلیٹ فارم نمبر 10 پر واقع سلبھ ٹوائلٹ کے پاس ہوا، جس کے بعد گاندھی میدان اور اس کے آس پاس چھ مقامات پر سلسلہ وار بم دھماکے ہوئے۔ ان دھماکوں میں چھ افراد ہلاک اور 89 زخمی ہوئے۔ اس واقعہ کے بعد بہار کے وزیر اعلی نتیش کمار نے اس وقت کے وزیر داخلہ سشیل کمار شندے سے این آئی اے کی تحقیقات کا مطالبہ کیا تھا۔

یہ بھی پڑھیں- Rahul Gandhi met Ilhan Umar in America: الہان عمر سے امریکہ میں راہل گاندھی نے کی ملاقات، بی جے پی کیوں اٹھا رہی ہے سوال؟

این آئی اے نے 2014 میں اس معاملے میں تمام ملزمان کے خلاف چارج شیٹ داخل کی تھی۔ اس کیس میں عدالت میں 187 لوگوں کی گواہی دی گئی جس کے بعد پٹنہ کی نچلی عدالت نے چار افراد امتیاز عالم، حیدر علی، نعمان انصاری اور مجیب اللہ انصاری کو مجرم قرار دیتے ہوئے سزائے موت سنائی پٹنہ ہائی کورٹ پہنچ کر پھانسی کی سزا کو چیلنج کیا تھا، جس میں اب پٹنہ ہائی کورٹ نے اپنا فیصلہ سنایا ہے۔

-بھارت ایکسپریس