Ladakh Charbagh Galwan Accident: گلوان کے چارباغ علاقے میں بڑا حادثہ، فوج کی گاڑی پرگرا بولڈر، دو افسر شہید اورتین شدید طورپر زخمی

لداخ کے گلوان کے چارباغ علاقے میں بڑا حادثہ ہوا ہے۔ فوج کی ایک گاڑی پربولڈر(پتھر) گرگیا۔ اس سے گاڑی تباہ ہوگئی۔ گاڑی میں سوار دو افسر شہید ہوگئے اورتین افسرشدید طور پرزخمی ہوئے ہیں۔ زخمیوں کو ایئرلفٹ کیا گیا۔ زخمیوں میں 2 میجراورایک کیپٹن ہیں۔ جوانوں کا قافلہ دُربُک سے چونگٹاس ٹریننگ کے سفرپرتھا۔

یہ حادثہ بدھ کے روزصبح تقریباً 11:30 بجے اس وقت ہوا جب دُربُک سے چونگ تاش جا رہی فوجی گاڑی مٹی کے تودے کی زد میں آگئی۔ اس میں 14 سندھ ہارس کے لیفٹیننٹ کرنل منکوٹیا اوردلجیت سنگھ شہید ہوئے۔ جبکہ میجرمینک شبھم (14 سندھ ہارس)، میجرامیت دکشت اور کیپٹن گورو(60 مسلح) زخمی ہوئے ہیں۔ زخمیوں کو 153 جی ایچ، لیہہ لے جایا گیا ہے۔

اس حادثے سے متعلق ہندوستانی فوج کی فائراینڈ فیوری کارپرس نے جانکاری دی ہے کہ 30 جولائی کو تقریباً 11:30 بجے لداخ میں ایک فوجی قافلے کی گاڑی پر چٹان سے ایک پتھرگرگیا۔ بچاؤ کا کام جاری ہے۔