بھارت ایکسپریس۔
کرناٹک کے وزیر تعلیم مدھو بنگارپا۔ (فائل فوٹو) (Image Source :Madhu Bangarappa Facebook)
Keshav Baliram Hedgewar Chapter in Syllabus: کرناٹک کے اسکولی نصاب (سیلیبس) سے راشٹریہ سیوم سیوک سنگھ (آرایس ایس) کے بانی کیشو بلی رام ہیڈگیوارکے باب کو ہٹانے کی بات سامنے آئی ہے، جس میں دعویٰ کیا جا رہا ہے کہ کانگریس حکومت ریاست میں ہیڈگیوارکی زندگی کواسکول کے سیلیبس سے ہٹانے کا منصوبہ بنا رہی ہے۔ اس معاملے پربی جے پی کانگریس آمنے سامنے ہیں۔ دونوں طرف سے بڑے لیڈران کے بیان آئے ہیں۔
کرناٹک کے اسکولی نصاب سے راشٹریہ سیوم سیوک سنگھ (آرایس ایس) کے بانی کیشو بلی رام ہیڈ گیوارکے باب کو ہٹانے کی بات سامنے آئی ہے، جس میں دعویٰ کیا جا رہا ہے کہ کانگریس حکومت ریاست میں ہیڈگیوارکی زندگی کواسکول کے نصاب سے ہٹانے کا منصبہ بنا رہی ہے۔ اس معاملے پربی جے پی-کانگریس آمنے سامنے ہیں۔ دونوں طرف سے بڑے لیڈران کی بیان بازی شروع ہوگئی ہے۔
کرناٹک کے وزیرتعلیم نے کیا کہا؟
وہیں نیوزایجنسی پی ٹی آئی کے مطابق، کرناٹک کے پرائمری اورسیکنڈری ایجوکیشن کے وزیرمدھوبنگارپا کا کہنا ہے کہ ”ہم (کانگریس) حکومت بنانے سے پہلے ہی موجودہ نصاب کے خلاف تھے۔ اب جب ہم اقتدارمیں آئے ہیں، ہم اپنے منشورکے وعدے (درسی نصاب پرنظرثانی) کو پورا کریں گے۔” انہوں نے مزید کہا، ”جس طرح سے ہم نے انتخابی منشورمیں وعدہ کیا تھا اوراس میں نصاب میں تبدیلی کی بات بھی تھی۔ اس میں صرف اتنا ہی ہے کہ کیا پڑھانا ہے اورکیا نہیں پڑھانا ہے۔” حالانکہ اس پورے معاملے سے متعلق کرناٹک حکومت کی طرف سے کوئی تفصیل نہیں بتائی گئی ہے۔
کرناٹک میں بی جے پی کے رکن اسمبلی اورسابق ریاستی وزیرسی این اشوتھ نارائن کا کہنا ہے کہ اس طرح سے جلد بازی میں لئے گئے فیصلوں کی ستائش نہیں کی جاتی ہے۔ ڈاکٹر ہیڈ گوارقومی ثقافت کی تعمیراورقوم پرستی کے بانی ہیں… وہ اچھے پس منظر کے حامل ڈاکٹرتھے۔ ہمیں ایسی عظیم شخصیت کونظراندازاور بے عزت نہیں کرنا چاہئے۔ ہمیں ہم آہنگی رکھنی چاہئے۔ ہمیں ان کا احترام کرنا چاہئے۔
اس کے علاوہ وزیرمملکت برائے الیکٹرانکس اورانفارمیشن ٹیکنالوجی راجیو چندر شیکھر نے اسکولی نصاب سے راشٹریہ سیوم سیوک سنگھ (آرایس ایس) بانی کو نصاب سے ہٹانے سے متعلق خبروں کو لے کر کرناٹک کی کانگریس حکومت پر تنقید کی۔ انہوں نے کہا کہ تاریخ پر کانگریس پارٹی کا نظریہ نہرو-گاندھی فیملی تک محدود ہے۔ اس کے ساتھ ہی انہوں نے یہ بھی کہا کہ کانگریس پارٹی یہ سب اس لئے کر رہی ہے کیونکہ وہ اپنے کئے گئے وعدوں سے بچ سکے۔
بھارت ایکسپریس۔
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…