India Alliance Democracy Save Rally: انڈیا الائنس کی جمہوریت بچاؤ ریلی میں کلپنا سورین نے کہا-کوئی بھی پارٹی عوام سے زیادہ طاقتور نہیں ہو سکتی

دہلی کے رام لیلا میدان میں منعقد ہونے والی انڈیا الائنس کی جمہوریت بچاؤ ریلی میں شرکت کے لیے ملک بھر سے اپوزیشن لیڈر پہنچے۔ اس دوران جے ایم ایم لیڈر اور جھارکھنڈ کے سابق وزیر اعلیٰ ہیمنت سورین کی اہلیہ کلپنا سورین نے ریلی سے خطاب کیا۔ انہوں نے کہا کہ ہماری طاقت ہندوستان کے 140 کروڑ عوام ہیں، جن کی طاقت ہم سب کو ملی ہے۔ آئین سے ملنے والی تمام گارنٹیوں کو این ڈی اے حکومت تباہ کر رہی ہے۔

انہوں نے کہا، ’’میں ہندوستان کی 50 فیصد خواتین کی آبادی اور 9 فیصد قبائلی برادری کی آواز بن کر آپ کے سامنے کھڑی ہوں… آج اس تاریخی میدان میں ہونے والی یہ ریلی گواہی دے رہی ہے کہ آپ سب ملک کے ہر حصے سے تاناشاہی کا خاتمہ کرنے آئے ہیں۔

کلپنا سورین نے کہا کہ جس طرح ملک میں بے روزگاری ہے، مہنگائی اپنے عروج پر ہے اور نفرت کی آگ پھیلائی جا رہی ہے… یہاں کوئی بھی ہر ذات اور طبقے کی حفاظت کے لیے کھڑا نہیں ہوا۔ ہندوستان کے لوگ سب سے بڑے ہیں۔ کوئی بھی پارٹی 140 کروڑ کی عوام سے زیادہ طاقتور نہیں ہو سکتی۔

یہ بھی پڑھیں: انڈیا الائنس کی جمہوریت بچاؤ ریلی محبوبہ مفتی نے کہا، ‘کلیگ کا امرت کال’ چل رہا ہے

بتا دیں کہ دہلی کے رام لیلا میدان میں انڈیا الائنس کی جمہوریت بچاؤ ریلی  میں کانگریس کے قومی صدر ملکارجن کھڑگے، کانگریس لیڈر راہل گاندھی، پرینکا گاندھی، سماج وادی پارٹی کے سربراہ اکھلیش یادو، پنجاب کے وزیر اعلی بھگونت مان، مہاراشٹر کے سابق وزیر اعلیٰ ادھو ٹھاکرے، دہلی کے وزیر اعلی اروند کیجریوال کی اہلیہ سنیتا کیجریوال اور انڈیا اتحاد کے دیگر لیڈران ریلی میں حصہ لیا۔