بی جے پی حکومت میں مسلمانوں کو جان بوجھ کر بنایا جا رہا ہے نشانہ، ماہرتعلیم کلیم الحفیظ نے کیوں کہی یہ بات؟

معروف دانشوراوراسلامی اسکالرکلیم الحفیظ نے کہا کہ بی جے پی ملک میں جب سے اقتدارمیں آئی ہے، جب سے اس کی پالیسیاں فاشزم کی طرف لے جا رہی ہے۔ اس کے بعد سے ہی مسلمانوں کو نشانہ بنایا جا رہا ہے۔ جان بوجھ کراور منظم طریقے سے مسلمانوں کو پریشانی کرنے کی کوشش کی جارہی ہے۔ اس کی وجہ سے ہی ملک میں ایسا ماحول بنا دیا گیا ہے کہ آج ہرمحاذ پرمسلمانوں کو پریشان کیا جا رہا ہے۔ یہاں پر دیکھئے بھارت ایکسپریس کا ایکسکلوزیوانٹرویو۔

دہلی کے سابق ریاستی صدرکلیم الحفیظ نے آل انڈیا مجلس اتحاد المسلمین (اے آئی ایم آئی ایم) کے لیڈراور سابق رکن پارلیمنٹ امتیازجلیل کی طرف سے ممبئی میں نکالی گئی ریلی کی حمایت کرتے ہوئے کہا کہ مسلمانوں کو اسی طرح سے اپنی آوازاٹھانے کی ضرورت ہے۔ انہوں نے کہا کہ میں اب آل انڈیا مجلس اتحاد المسلمین میں نہیں ہوں، لیکن ان کے اس قدم کی میں پُرزورحمایت کرتا ہوں کیونکہ ہم کچھ بھی برداشت کرلیں گے، لیکن نبی کریم صلی اللہ علیہ وسلم کی شان میں گستاخی ہرگزنہیں برداشت کریں گے۔