کیرانہ لوک سبھا سیٹ سے اقرا حسن نے بی جے پی امیدوار کو بڑے فرق سے ہرایا ہے۔
اترپردیش کی کیرانہ لوک سبھا سیٹ پر سماجوادی پارٹی نے جیت حاصل کی ہے۔ سماجوادی پارٹی کی امیدوار اقرا حسن چودھری نے تقریباً 70 ہزار ووٹوں سے جیت درج کی۔ اقرا چودھری کے کھاتے میں 5 لاکھ 28 ہزار 13 ووٹ آئے تو بی جے پی کے پردیپ کمار کو 4 لاکھ 58 ہزار 897 ووٹ ملے۔ اقرا حسن نے اس جیت کے ساتھ ہی ایک ریکارڈ بھی اپنے نام کرلیا ہے۔ سب سے زیادہ ووٹوں سے جیت حاصل کرنے میں انہوں نے اپنے والدین اور بھائی کو بھی پیچھے چھوڑ دیا ہے۔
دراصل، اقرا حسن کی فیملی میں اب تک اتنے ووٹوں سے کسی نے بھی جیت نہیں حاصل کی۔ ان کے والد منورحسن پہلی بارکیرانہ سے رکن پارلیمنٹ بنے تھے۔ 1996 کے الیکشن میں انہوں نے جیت حاصل کی تھی۔ وہ تقریباً 10 ہزار ووٹوں سے جیتے تھے۔ حالانکہ 1998 اور 1999 کے الیکشن میں وہ ہارگئے تھے۔ اس کے بعد اقرا حسن چودھری کی ماں تبسم حسن 2009 اور 2018 میں یہاں سے رکن پارلیمنٹ منتخب ہوئی تھیں۔
تبسیم حسن نے 2009 کے الیکشن یں تقریباً 24 ہزارووٹوں سے جیت حاصل کی تھی۔ وہیں، 2018 کے الیکشن میں انہوں نے آرایل ڈی کے ٹکٹ پرالیکشن لڑا تھا۔ تب انہوں نے تقریباً 50 ہزارووٹوں سے جیت درج کی تھی۔ تبسم حسن کو 4 لاکھ 81 ہزار 181 ووٹ ملے تھے۔
2019 میں جیتی تھی بی جے پی
2019 کے لوک سبھا الیکشن میں یہاں بی جے پی کے پردیپ چودھری نے جیت درج کی تھی۔ پردیپ چودھری نے سماجوادی پارٹی کے تبسم حسن کو 92,160 ووٹوں سے ہرایا تھا۔ کانگریس کے ہریندر ملک تیسرے مقام پر رہے تھے۔ اس سے پہلے 2018 کے ضمنی الیکشن میں آرایل ڈی کی تبسم حسن نے جیت درج کی تھی۔ جبکہ 2014 میں بی جے پی کے حکم سنگھ جیتے تھے۔ حکم سنگھ کے دنیا سے رخصت ہونے کے بعد بی جے پی نے ان کی بیٹی مرگانکا سنگھ کو میدان میں اتارا تھا، لیکن انہیں تبسم حسن نے ہرا دیا تھا۔
صدر جمہوریہ، نائب صدر ہند، پی ایم مودی ،امت شاہ ،راہل گاندھی ،اکھلیش یادو، پرینکا…
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…