Jyoti Prakash Diwas Batala: بٹالہ دربار میں گرو بھکتی اور وطن کے تئیں عقیدت کا عظیم سنگم، سنت ترلوچن درشن داس جی کی موجودگی میں  منایا گیا جیوتی پرکاش دیوس

سچکھنڈ نانک دھام، بٹالہ کے مقدس احاطے میں روحانی ادارے کے موجودہ سربراہ سنت ترلوچن درشن داس جی مہاراج کی روحانی سرپرستی میں اس سال کا تاریخی ’جیوتی پرکاش دیوس سماگم‘ انتہائی عقیدت، بھکتی اور جوش و خروش کے ساتھ منعقد ہوا۔ 15 اگست کو منعقد ہونے والا یہ خصوصی سماگم اس لحاظ سے بھی اہم رہا کہ اس کا انعقاد ملک کے 80ویں یوم آزادی کے موقع پر کیا گیا۔ بٹالہ دربار کے وسیع پنڈال میں جہاں ایک طرف گرو بھکتی کا روحانی ماحول نظر آیا، وہیں دوسری جانب حب الوطنی کے جذبے نے بھی عقیدت مندوں کو قومی فخر سے سرشار کردیا۔

الہی جیوتی کے ظہور کی مقدس یاد

ادارے کے سیواداروں اور عقیدت مندوں کے لیے ’جیوتی پرکاش دیوس‘ ایک انتہائی اہم روحانی دن ہے۔ یہ دن انتہائی قابل احترام ست گرو درشن داس جی مہاراج کی زندگی میںپربھو کی خود شناسی کے ظہور کی مقدس یاد میں منایا جاتا ہے۔مرکزی اجلاس کے دوران سنت ترلوچن درشن داس جی مہاراج نے ملک و بیرون ملک سے آئے سادھ سنگت کو نام سمرن، بے لوث انسانی خدمت اور باہمی بھائی چارے کا پیغام دیا۔ انہوں نے اپنے خطاب میں کہا کہ حقیقی روحانی روشنی وہی ہے جو انسان کے دل و دماغ میں موجود جہالت کے اندھیرے اور انا کو ختم کرکے اس کے اندر محبت کی جیوتی روشن کرے۔

ملک و بیرون ملک سے پہنچے ہزاروں عقیدت مند

اس مقدس سماگم میں گرو کا آشیرواد حاصل کرنے کے لیے ہفتے کی صبح سویرے سے ہی اچلی گیٹ بائی پاس واقع بٹالہ دربار میں عقیدت مندوں کی بڑی تعداد پہنچنا شروع ہوگئی تھی۔ پنجاب، ہریانہ، دہلی، اتر پردیش اور جموں و کشمیر کے علاوہ کینیڈا، برطانیہ اور امریکہ سمیت کئی ممالک سے بھی ہزاروں کی تعداد میں سادھ سنگت نے شرکت کی۔عقیدت مندوں کی بڑی تعداد کے پیش نظر دربار انتظامیہ اور مقامی انتظامیہ کی جانب سے سکیورٹی، ٹریفک کنٹرول، پارکنگ اور طبی سہولیات کے وسیع انتظامات کیے گئے تھے۔ انتظامیہ نے اس بات کو یقینی بنانے کی کوشش کی کہ سماگم میں آنے والے کسی بھی عقیدت مند کو کسی قسم کی پریشانی کا سامنا نہ کرنا پڑے۔

مذہبی اور سماجی شخصیات کی شرکت

اس روحانی سماگم میں مذہبی، سماجی اور سیاسی شعبوں سے تعلق رکھنے والی کئی معروف شخصیات نے بھی شرکت کی۔ وشو ہندو پریشد (وی ایچ پی) کے مرکزی تنظیمی جنرل سکریٹری شری ملند پرانڈے سمیت وی ایچ پی اور دیگر سماجی تنظیموں کے کئی اہم عہدیدار خصوصی طور پر پروگرام میں موجود رہے۔تمام مہمانوں اور معزز شخصیات نے سنت ترلوچن درشن داس جی مہاراج کے درشن کرکے ان کا آشیرواد حاصل کیا۔ اس موقع پر مہمانوں نے سچکھنڈ نانک دھام کی جانب سے معاشرے میں امن، ہم آہنگی، بھائی چارے اور انسانیت کا پیغام عام کرنے کی کوششوں کو سراہا۔15 اگست کے قومی جذبے اور روحانی عقیدت کے اس حسین امتزاج نے بٹالہ دربار کے ’جیوتی پرکاش دیوس سماگم‘ کو ایک یادگار موقع بنا دیا، جہاں گرو بھکتی کے ساتھ وطن سے محبت اور انسانی خدمت کا پیغام بھی نمایاں طور پر سامنے آیا۔

بھارت ایکسپعریس اردو