کشمیرکو بین الاقوامی مسئلہ بنانے میں کامیاب ہوگیا پاکستان…؟ جموں وکشمیر کے وزیراعلیٰ عمر عبداللہ نے کہی یہ بڑی بات

وزیراعلیٰ عمرعبداللہ نے کشمیر معاملے پر کہا کہ پاکستان نے جان بوجھ کر ہی کشمیر موضوع کو انٹرنیشنل اسٹیج پر لانے کی کوشش کی ہے۔ میں بھلے ہی کہہ رہا ہوں کہ کچھ نہیں بدلا ہے۔ اس کے بعد بھی واضح ہے کہ پاکستان نے جموں وکشمیر کے موضوع کوانٹرنیشنل بنانے میں کامیابی حاصل کرلی ہے۔ اس معاملے میں ثالثی کرنے کے لئے امریکہ خود کوجبراً شامل کررہا ہے، تووہیں کشمیرسے متعلق بھی بات کررہا ہے۔ واضح رہے کہ گزشتہ روزامریکی صدرڈونالڈ ٹرمپ نے سیزفائرپردونوں ممالک کومبارکباد دی تھی۔ اس کے ساتھ ہی کہا تھا کہ امریکہ پوری کوشش کرے گا کہ سالوں سے چلے آرہے کشمیرموضوع کا کوئی حل نکالا جاسکے۔

ایک حملے نے سب بگاڑ دیا: عمرعبداللہ

عمرعبداللہ نے کہا کہ ہرسال اس وقت پورے کشمیر وادی میں سیاحوں کی آمدورفت رہتی تھی۔ اس کی وجہ سے ہماری معشیت اور لوگوں کی زندگی آسان ہوتی تھی۔ انہوں نے کہا کہ اگریہ پہلگام کا حملہ نہ ہوتا توبچے اسکولوں میں ہوتے۔ ایئرپورٹ پرہردن 60-50 فلائٹس اترتیں۔ وادی خالی اورویران نہ رہتی۔ ایک حملے کے بعد سے ہی اسکول بند ہیں، ایئر پورٹ اورایئراسپیس دونوں بند ہیں۔