نئی دہلی: جماعت اسلامی ہند کے امیرسید سعادت اللہ حسینی نے آج ہندوستان میں قطرکے سفیرسے سفارت خانے میں ملاقات کی اورقطرکے سابق امیرشیخ حمد بن خلیفہ آل ثانی کے انتقال پردلی تعزیت اورگہرے رنج وغم کا اظہارکیا۔ امیرجماعت نے کہا کہ شیخ حمد بن خلیفہ آل ثانی نے قطرکی ترقی، امتِ مسلمہ کے مسائل سے وابستگی اوربالخصوص فلسطینی عوام کی سیاسی، انسانی اور تعمیری معاونت میں نمایاں کردار ادا کیا، نیز ملک عزیز ہندوستان سے دوطرفہ تعلقات کو نئی بلندیوں تک پہونچایا ، ان کی خدمات کو ہمیشہ قدر کی نگاہ سے دیکھا جائے گا۔
اس موقع پرامیرجماعت نے مرحوم کے اہلِ خانہ، امیرِ قطر، حکومتِ قطراوربرادرعوام سے دلی ہمدردی کا اظہارکرتے ہوئے دعا کی کہ اللہ تعالیٰ مرحوم کی مغفرت فرمائے، ان کی خدمات کو شرفِ قبولیت عطا کرے، انہیں اپنی وسیع رحمت میں جگہ دے اورلواحقین کو صبرِجمیل عطا فرمائے۔
قطری سفیرمحمد حسن جابرالجاسرنے امیرجماعت کی آمد، اظہارِتعزیت اوردعاؤں پرشکریہ ادا کیا اور دونوں ممالک کے عوام کے درمیان خیر سگالی، باہمی احترام اورتعاون کے جذبات کو مزید فروغ دینے کی امید ظاہرکی۔ وفد میں معاون قیم جماعت سید محی الدین شاکراوراسٹنٹ سکریٹری ڈاکٹررضوان رفیقی شریک تھے۔
بھارت ایکسپریس اردو-
ہندوستانی خاتون کرکٹ ٹیم کی نوجوان اسپنر ویشنوِی شرما نے آئی سی سی ویمنز ون…
ڈی آر ڈی او کے تیار کردہ پرلے میزائل کا اڈیشہ کے چندی پور میں…
اتر پردیش اسمبلی انتخابات 2027 سے پہلے انڈیا اتحاد میں شمولیت کے معاملے پر سیاسی…
اسرائیل میں نئی حکومت کی تشکیل کے سلسلے میں سیاسی سرگرمیاں تیز ہو گئی ہیں۔…
تپسیا کا مطلب: اپنے مقصد کو حاصل کرنے کے لیے مسلسل محنت کرنا، مشکلات کا…
دہلی کا اوسط ایئر کوالٹی انڈیکس 331 درج کیا گیا، بگڑتے حالات کے پیش نظر…