Prisoner Build Ram Mandir Module in Jail: جیل میں بند قیدی نے بنایا رام مندر کا ماڈیول،قتل کے الزام میں کاٹ رہاہے سزا

وزیر اعظم نریندر مودی 22 جنوری کو ایودھیا شہر میں رام مندر کا افتتاح کریں گے، جو یوپی میں سیاحت کا نیا مرکز بننے جا رہا ہے۔ ایسے میں مندر کے افتتاح کو لے کر پورے ملک میں جوش و خروش کا ماحول ہے۔ ایسے میں عقیدت مند مندر کی تعمیر میں اپنا حصہ ڈالنا چاہتا ہیں ۔ اس کام میں جیل کے قیدی بھی بڑھ چڑھ کر حصہ لے رہے ہیں۔ سہارنپور کی ڈسٹرکٹ جیل میں قتل کے ایک مقدمے میں سزا کاٹ رہے صدر الدین عرف صدرو نے جیل میں رہتے ہوئے لکڑی سے رام مندر کا ماڈیول بنایا ہے۔ ان کی خواہش ہے کہ وہ اسے اپنے ہاتھوں سے وزیر اعلی یوگی آدتیہ ناتھ کو پیش کریں۔

 صدرالدین نے اسے بنانے میں ایک کیل بھی استعمال نہیں کی۔ صدرالدین لکڑی پر نقش و نگار کا کام کرتے ہیں۔ وہ قتل کے ایک مقدمے میں گزشتہ 9 سالوں سے جیل میں ہیں ۔ انہوں نے جیل میں رہتے ہوئے بھی اپنی صلاحیتوں کو ختم  نہیں ہونے دیا۔ ایودھیا میں جب رام مندر کی تعمیر کا کام شروع ہوا تو صدرالدین نے بھی حکام کے سامنے لکڑی سے مندر بنانے کی خواہش ظاہر کی۔ اس کے بعد جیل حکام نے انہیں مندر کا ماڈیول دکھایا۔ اس کے بعد اس نے جیل سے مندر کی تعمیر شروع کی۔

کیلوں کے بغیر بنایا گیا مندر کا ماڈیول

قیدی نے بتایا کہ اس نے مندر کی تعمیر کے دوران ایک کیل بھی استعمال نہیں کیا۔ یعنی مندر صرف لکڑی کا استعمال کرکے بنایا گیا ہے۔ اسے مندر بنانے میں 1 سال لگا۔ صدرالدین نے ستمبر 2023 میں اس مندر کی تعمیر مکمل کی۔ یوپی کے جیل وزیر نے ان کا فن دیکھ کر حوصلہ افزائی کی ہے۔