Indigo Flight Bomb Threat: انڈیگو فلائٹ کو بم سے اڑانے کی دھمکی، کولکاتا ایئرپورٹ پرایمرجنسی لینڈنگ

کولکاتا ایئرپورٹ پر شلونگ جانے والی انڈیگو فلائٹ 6E-7304 کے ٹوائلٹ سے مبینہ بم دھمکی والا نوٹ ملنے کی خبر نے ایئرپورٹ پر ہلچل مچا دی۔ ابتدائی اطلاعات کے مطابق نوٹ میں بم ہونے کی دھمکی دی گئی تھی، جس پر ایئرپورٹ حکام نے احتیاطی طور پر فلائٹ کو فوراً الگ مقام پر منتقل کیا اور تمام مسافروں کو محفوظ طریقے سے نکالا گیا۔ واقعے کے بعد سیکورٹی ایجنسیوں نے تحقیقات کا آغاز کر دیا اور موقع پر حفاظتی اقدامات سخت کر دیے گئے۔

فلائٹ صبح 9:15 بجے روانہ ہونے والی تھی۔ حفاظتی پروٹوکول کے مطابق اسے مسافروں سے دور ایک آیسولیشن بے میں کھڑا کیا گیا اور بَم ڈیٹیکشن ٹیموں سمیت دیگر سیکورٹی اداروں نے طیارےکی مکمل تلاشی شروع کی۔ تمام مسافرمحفوظ رہے اور انہیں ایئرپورٹ کے داخلی علاقے سے نکال کر حفاظتی کنٹرول میں رکھا گیا۔ ایئرپورٹ انتظامیہ اور سیکورٹی فورسز صورتحال پر مسلسل نظر رکھے ہوئے ہیں اور ہر ضروری اقدام اٹھا رہی ہیں تاکہ مزید کوئی خطرہ نہ ہو۔

سیکورٹی اقدامات اور تحقیقات جاری

انڈیگو ایئرلائن نے بیان دیا کہ تمام حفاظتی پروسیجرز پر مکمل عمل کیا جا رہا ہے اور ایئرپورٹ سیکورٹی کے ساتھ تعاون جاری ہے۔ ایئرلائن کے مطابق تحقیقات مکمل ہونے تک فلائٹ کی پرواز کا فیصلہ محفوظ بنیادوں پر کیا جائے گا۔ واقعے کے بعد سَنٹرل انڈسٹریل سیکورٹی فورس (CISF) کی بڑی تعداد ایئرپورٹ پر تعینات کی گئی اور آیسولیشن زون کے اردگرد اضافی حفاظتی اہلکار رکھے گئے۔ فائر بریگیڈ اور دیگر ایمرجنسی گاڑیاں بھی موقع پر موجود رہیں، جب کہ ہائی وژیبلیٹی جیکٹ پہنے گراؤنڈ اسٹاف پورے آپریشن میں کوآرڈینیشن کر رہا تھا۔

طیارے کا تمام سامان بھی زمین پر اتار کر ڈوگ سکواڈ اور بم ڈیٹیکشن ٹیم کے ذریعے خاص جانچ کی گئی۔ ایئرپورٹ حکام نے تاحال تصدیق نہیں کی ہے کہ واقعی کوئی مشکوک مواد ملا ہے یا نہیں۔ اس واقعے نے ایئرپورٹ کی حفاظتی نگرانی اور مسافروں کی حفاظت کے اہمیت کو واضح
کر دیا ہے۔ سیکورٹی ٹیمیں مکمل چھان بین کر رہی ہیں تاکہ فلائٹ اور ایئرپورٹ کے تمام مسافر محفوظ رہیں اور کسی بھی قسم کا خطرہ ختم کیا جا سکے۔

بھارت ایکسپریس اردو