India’s first underwater metro train: سمندر کے اندر پہلی میٹرو کو پی ایم مودی نے دکھائی ہری جھنڈی، دلچسپ ویڈیو آئی سامنے ،پی ایم مودی نے بھی میٹرو کا اٹھالطف

وزیر اعظم نریندر مودی  نے آج مغربی بنگال کے دارالحکومت کلکتہ میں ملک کے پہلے زیر آب میٹرو ٹنل کا افتتاح کردیا ہے، پی ایم مودی کے ہری جھنڈی دکھانے کے ساتھ ہی اس میٹرو نے چلنا شروع کردیا اور تاریخ رقم کردی،چونکہ یہ ملک کی پہلی ایسی میٹرو ٹرین ہے جو پانی کے اندر چل رہی ہے۔ پانی کے اندر میٹرو ٹنل انجینئرنگ کا ایک شاندار کارنامہ ہے، جو دریائے ہوگلی کے نیچے 16.6 کلومیٹر پر پھیلا ہوا ہے۔ زیر آب میٹرو ہوگلی کے مغربی کنارے پر واقع ہاوڑہ کو مشرقی ساحل پر واقع سالٹ لیک شہر سے جوڑے گی۔ اس کے 6 اسٹیشن ہوں گے جن میں سے تین زیر زمین ہیں۔ پی ایم مودی کے ذریعہ افتتاح کے بعد، عام لوگ پانی کے اندر میٹرو سے لطف اندوز ہو رہے ہیں ۔اور پہلے مسافر کے طور پر اسکولی طلبا وطالبات کو کثیر تعداد میں سوار کیا گیا تھا،اس کے بعد پی ایم مودی نے اس کو ہری جھنڈی دکھا دی ہے۔پی ایم مودی نے جھنڈی دکھانے کے بعد خود میٹرو کی سواری بھی کی اور میٹرو میں موجود اسکولی طلبا سے بات چیت بھی کی۔

اس پروجیکٹ کے بارے میں 10 خاص باتیں

1 – کلکتہ میٹرو کا ہاوڑہ میدان-ایسپلانیڈ سیکشن بہت خاص ہے، کیونکہ اس سیکشن میں ٹرین پانی کے نیچے چلے گی۔ ہاوڑہ میٹرو اسٹیشن ہندوستان کا سب سے گہرا اسٹیشن بھی ہے۔

2- ہاوڑہ میدان-ایسپلانیڈ سیکشن دریائے ہوگلی کے نیچے بنایا گیا ہے، ہاوڑہ اور سالٹ لیک شہر دریائے ہوگلی کے مشرقی اور مغربی کنارے پر واقع ہیں۔

 3- اپریل 2023 میں کلکتہ میٹرو نے آزمائش کے طور پر دریائے ہگلی کے نیچے سرنگ کے ذریعے ٹرین چلا کر تاریخ رقم کی، جو ہندوستان میں پہلی بار ہوا۔

 4- یہ سیکشن 4.8 کلومیٹر لمبا ہے جو ہاوڑہ میدان کو ایسپلانیڈ سے جوڑے گا۔ اس حصے میں ہاوڑہ میدان کو ایسٹ ویسٹ میٹرو کوریڈور کے تحت سالٹ لیک سیکٹر V سے جوڑا جائے گا۔

5- حکام نے امید ظاہر کی ہے کہ یہ میٹرو ہگلی ندی کے نیچے 520 میٹر کا فاصلہ صرف 45 سیکنڈ میں طے کر لے گی۔

 6- ایسپلاینیڈ اور سیالدہ کے درمیان مشرقی مغربی صف بندی کا حصہ ابھی زیر تعمیر ہے۔ تاہم، سالٹ لیک سیکٹر V سے سیالدہ تک کا حصہ پہلے ہی استعمال میں ہے۔

 7- میٹرو آٹومیٹک ٹرین آپریشن (ATO) سسٹم کے ذریعے چلے گی۔ اس کا مطلب ہے کہ میٹرو ڈرائیور کے بٹن دبانے کے بعد ٹرین خود بخود اگلے اسٹیشن پر پہنچ جائے گی۔

 8- ایسٹ ویسٹ میٹرو کے کل 16.6 کلومیٹر میں سے 10.8 کلومیٹر زیر زمین ہے جس میں دریائے ہوگلی کے نیچے سرنگ بھی شامل ہے۔ باقی حصہ زمین کے اوپر ہے۔ 9

– کولکتہ میٹرو کا مقصد سالٹ لیک سیکٹر V اور ہاوڑہ میدان کے درمیان پورے مشرقی-مغربی راستے پر جون یا جولائی کے آس پاس کمرشل آپریشن شروع کرنا ہے۔

 10- حکام کے مطابق پانی کے اندر میٹرو میں لوگوں کو 5G انٹرنیٹ کی سہولت بھی ملے گی۔ یہ بھی کہا گیا ہے کہ سرنگ میں پانی کا ایک قطرہ بھی داخل نہیں ہو سکتا۔ ‘کلکتہ میٹرو کا کام کئی مرحلوں میں ہوا ہے۔

مرکزی  ریلوے وزیر اشونی وشنو نے کہا تھا کہ کولکتہ میٹرو پر کام 1970 کی دہائی میں شروع ہوا تھا، لیکن مودی حکومت کے گزشتہ 10 سالوں میں جو ترقی ہوئی ہے وہ پچھلے 40 سالوں سے کہیں زیادہ ہے۔ ہے انہوں نے کہا کہ وزیر اعظم کی توجہ بنیادی ڈھانچہ بنانے اور ملک کی بنیاد رکھنے پر ہے جو 2047 تک ایک ترقی یافتہ ملک ہو گا۔ کولکتہ میٹرو کا کام کئی مراحل میں آگے بڑھا۔ موجودہ مرحلے میں شہر کے ایسٹ ویسٹ میٹرو کوریڈور کے لیے دریا کے نیچے ایک سرنگ بنائی گئی ہے۔

بھارت ایکسپریس۔