NITI Aayog Meeting: جب ہر ریاست ترقی یافتہ ہوگی، تبھی ہندوستان ترقی یافتہ ہوگا: پی ایم مودی

نئی دہلیـ وزیر اعظم نریندر مودی نے ہفتہ کو نیتی آیوگ کی 10ویں گورننگ کونسل میٹنگ میں اپنے افتتاحی خطاب میں کہا کہ ہندوستان کو مستقبل کے لیے تیار شہروں کی ترقی کے سمت میں کام کرنا چاہیے۔ انہوں نے مرکز اور تمام ریاستوں پر ترقی کی رفتار کو بڑھانے کے لیے مل کر کام کرنے پر زور دیا۔

پی ایم مودی نے تقریب میں کیا کہا؟

پی ایم مودی نے تقریب میں کہا، ’’ہندوستان میں تیزی سے شہر ترقی کر ہے ہیں۔ ہمیں مستقبل کے لیے تیار شہروں کے سمت میں کام کرنا چاہیے۔ ترقی، اختراع اور پائیداری ہمارے شہروں کی ترقی کا انجن ہونا چاہیے۔‘‘ انہوں نے مزید کہا، ’’ہمیں ترقی کی رفتار کو بڑھانا ہے، اگر مرکز اور تمام ریاستیں مل کر ٹیم انڈیا کی طرح کام کریں تو کوئی بھی مقصد ناممکن نہیں ہوسکتا۔‘‘

’’سیاحت کو فروغ دینے میں تعاون کریں ریاست‘‘

انہوں نے ریاستوں سے بھی مطالبہ کیا کہ وہ ملک میں سیاحت کو فروغ دینے میں تعاون کریں۔ انہوں نے کہا، ’’ریاستوں کو عالمی معیار کے مطابق اور تمام سہولیات اور بنیادی ڈھانچہ فراہم کرتے ہوئے ہر ریاست میں کم از کم ایک سیاحتی مقام تیار کرنا چاہیے۔ ’ایک ریاست، ایک گلوبل ڈیسٹنیشن بنایا جانا چاہیے۔ اس سے پڑوسی شہروں کو بھی سیاحتی مقامات کے طور پر ترقی ملے گی۔‘‘

’’ہر ہندوستانی کا ہدف ہے ترقی یافتہ ہندوستان‘‘

پی ایم مودی نے 140 کروڑ شہریوں کی خواہش کو ’ترقی یافتہ‘ قرار دیتے ہوئے کہا، ’’ترقی یافتہ ہندوستان ہر ہندوستانی کا ہدف ہے۔ جب ہر ریاست ترقی یافتہ ہوگی، تبھی ہندوستان بھی ترقی یافتہ ہوگا۔ یہ 140 کروڑ شہریوں کی خواہش ہے۔‘‘

ورک فورس میں خواتین کی تعداد بڑھانے پر زور

اس کے علاوہ انہوں نے ملک کی ورک فورس میں خواتین کی تعداد بڑھانے پر بھی زور دیا۔ انہوں نے کہا، ’’ہمیں اپنے ورک فورس میں خواتین کو شامل کرنے کے سمت میں کام کرنا چاہیے۔ ہمیں ایسے قوانین اور پالیسیاں بنانے چاہئیں جو خواتین کو باعزت طریقے سے ورک فورس میں شامل کیا جا سلکے۔‘‘

میٹنگ کی تھیم ہے ’ترقی یافتہ ہندوستان: 2047 کے لیے ترقی یافتہ ریاست‘

 نئی دہلی کے بھارت منڈپم میں منعقد ہونے والی اس گورننگ کونسل میٹنگ کی تھیم ’ترقی یافتہ ہندوستان: 2047 کے لیے ترقی یافتہ ریاست‘ ہے۔

یہ بھی پڑھیں: نارتھ ایسٹ تجارت، ثقافت اور سیاحت سمیت ہر شعبے میں تیزی سے کررہا ہے ترقی ،کرن رجیجو نے بتایا مودی حکومت کی کامیابی

یہ میٹنگ مرکز، ریاستوں اور مرکز کے زیر انتظام علاقوں کو ’ترقی یافتہ ہندوستان: 2047‘ کے وژن کو آگے بڑھانے کے اقدامات پر غور و فکر کرنے اور اس بات پر اتفاق رائے پیدا کرنے کے لیے ایک پلیٹ فارم مہیا کرتی ہے کہ ریاستیں کس طرح ہندوستان کو ’ترقی یافتہ ملک‘ بنانے میں سنگ بنیاد بن سکتی ہیں۔ اس کے علاوہ ملک بھر میں انٹرپرینیورشپ کو فروغ دینے، مہارتوں کو بڑھانے اور روزگار کے پائیدار مواقع پیدا کرنے کے اقدامات پر بھی بات چیت کی جائے گی۔

بھارت ایکسپریس۔