قومی

Operation Sindoor Update: ’آپریشن سندور‘ میں ہلاک ہوئے تھے پاکستان کے یہ 5 بڑے دہشت گرد، قندھار ہائی جیک کا ماسٹر مائنڈ بھی شامل

دہشت گردی اوردہشت گردوں کے خلاف ہندوستان کے ’آپریشن سندور‘ میں مارے گئے دہشت گردوں کی فہرست سامنے آگئی ہے، جس میں ان کے نام اوران کی پہچان کا انکشاف ہوا ہے، 22 اپریل کوپہلگام میں دہشت گردانہ حملے کے بعد ہندوستانی فوج نے’آپریشن سندور‘ چلایا۔ فوج نے پاکستان اورپاک مقبوضہ کشمیر(پی اوکے) میں گھس کر جیش محمد اورلشکر طیبہ کے 9 دہشت گردانہ ٹھکانوں کوتباہ کردیئے۔

سرکاری ذرائع کے مطابق، ایئراسٹرائیک میں مارے گئے دہشت گردوں میں کئی ایسے نام شامل ہیں، جوہندوستان میں دہشت گردانہ حملوں، نوجوانوں کی شدت پسندی اورہتھیاروں کی اسمگلنگ جیسے سنگین معاملوں میں سرگرم کردارنبھا رہے تھے۔ ہندوستانی فوج نے ایئراسٹرائیک کرکے ان دہشت گردوں کا خاتمہ کیا اوردہشت گردی کی جڑیں ہلا دیں۔ ہندوستان نے دہشت گردی کوکچلنے کا عزم کیا ہے۔

دہشت گردوں کی فہرست آئی سامنے

خبروں کے مطابق، لشکرطیبہ سے وابستہ مدثرخادیان خاص (ابوجندال) مریدکے واقع ’مرکزطیبہ‘ کا سربراہ تھا۔ پاکستانی فوج نے اس کی موت کے بعد اسے گارڈ آف آنردیا۔ پاکستانی فوج کے سربراہ عاصم منیراورپنجاب کی وزیراعلیٰ مریم نوازکی طرف سے خراج عقیدت پیش کیا گیا۔ اس کی نمازجنازہ ایک سرکاری اسکول میں ادا کی گئی تھی، جس کی نمازجنازہ جماعت الدعوۃ کے حافظ عبدالرؤف نے پڑھائی تھی۔ اس میں ایک پاکستانی لیفٹیننٹ جنرل اورپنجاب پولیس کے آئی جی نے بھی شرکت کی۔ نمازجنازہ کی ایک تصویربھی سوشل میڈیا پروائرل ہوئی تھی۔

جیش محمد سے منسلک حافظ محمد جمیل، مولانا مسعود اظہرکا سالا تھا۔ بہاول پورواقع ’مرکزسبحان اللہ‘ کا سربراہ تھا۔ وہ نوجوانوں کوشدت پسندی اورتنظیم سے جوڑنے کے لئے فنڈ جمع کرنے کی سرگرمیوں میں سرگرم تھا۔ جیش محمد سے وابستہ محمد یوسف اظہر(استاد جی) بھی مسعود اظہرکا سالا تھا اوردہشت گردوں کوہتھیاروں کی ٹریننگ دیتا تھا۔ وہ جموں وکشمیرمیں کئی حملوں میں شامل رہا اورفلائٹ آئی سی-814 اغوا معاملے میں وانٹیڈ تھا۔

لشکرطیبہ سے وابستہ خالد (ابوآکاش) جموں وکشمیرمیں دہشت گردانہ حملوں اورافغانستان سے ہتھیاروں کی اسمگلنگ میں ملوث تھا۔ اس کی نمازجنازہ فیصل آباد میں ادا کی گئی تھی، جس میں پاکستانی فوج کے سینئرافسر اورفیصل آباد کے ڈپٹی کمشنرشامل ہوئے۔ جیش محمد سے وابستہ محمد حسن خان پاک مقبوضہ کشمیر(پی اوکے) میں جیش کے کیمپ چلانے والے مفتی اصغرخان کشمیری کا بیٹا ہے، جوجموں وکشمیرمیں دہشت گردانہ حملوں کے لئے کوآرڈی نیشن میں اہم کردار ادا کررہا تھا۔

بھارت ایکسپریس اردو۔

Nisar Ahmad

Recent Posts

Rani Lakshmibai Birth Anniversary: رانی لکشمی بائی کی یوم پیدائش پر وزیر اعظم مودی اور امت شاہ نے پیش کیا خراج عقیدت

وزیر اعظم نے انہیں ہندوستان کی بہادر بیٹی قرار دیا، امت شاہ نے کہا کہ…

23 minutes ago

Naturopathy Day: نیچروپیتھی ڈے کے موقع پر ملک بھر میں نشہ مکت بھارت مہم کا آغاز، 5 ہزار آروگیہ کیمپ لگانے کا اعلان

نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…

1 hour ago

Adani Energy Solutions Bihar Project: اڈانی انرجی سولیوشنز نے بہار میں ٹرانسمیشن پروجیکٹ حاصل کیا، 2400 میگاواٹ بجلی کی ترسیل کا ہوگا انتظام

پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…

1 hour ago

Impact of ‘Akwan’ in West Bengal: مغربی بنگال میں سمندری طوفان ’اکوان‘ کا اثر، کولکاتا سمیت کئی اضلاع میں بارش

تازہ معلومات کے مطابق، ’اکوان‘ 12 کلومیٹر فی گھنٹہ کی رفتار سے شمال کی جانب…

1 hour ago

IND vs NZ 1st Test: ویلنگٹن ٹیسٹ میں امپائرنگ پر تنازع، گلین فلپس کے فیصلے پر کپتان شبھمن گل ناراض

پہلے ٹیسٹ کے ابتدائی دن گلین فلپس کے خلاف ڈی آر ایس فیصلے پر تنازع…

1 hour ago