India Or Bharat Issue: کیا تیسری نوٹ بندی ہوگی؟کیونکہ نوٹ پر ریزرو بینک آف انڈیا لکھا ہے،عام آدمی پارٹی کے لیڈر سنجے سنگھ کیا سوال

 جی 20کے عشائیے کے دعوت نامے پر ‘پرسیڈنٹ آف بھارت’ لکھے جانے کے بعد تنازعہ کھڑا ہو گیا ہے۔ اس دوران عام آدمی پارٹی کے رکن پارلیمنٹ سنجے سنگھ نے حکومت کو نشانہ بنایا۔عام آدمی پارٹی کے  لیڈر نے کہا کہ  مجھ لگتا ہے کہ مودی حکومت تیسرا نوٹ بندی کرے گی کیونکہ نوٹوں پر ریزرو بینک آف انڈیا کے الفاظ لکھے ہوئے ہیں۔ بھارت کو اس سے بھی ہٹائیں گے اور لوگوں سے پہلے نوٹ جمع کرنے کو کہیں گے۔

سنجے سنگھ نے کہا کہ گزشتہ کئی دنوں سے ایک تنازعہ کھڑا کیا جا رہا ہے۔ انہوں نے الزام لگایا کہ بی جے پی اور مودی حکومت آئین سے لفظ انڈیا کو ہٹانا چاہتی ہے۔ اس کی شروعات آر ایس ایس کے سربراہ موہن بھاگوت نے کی تھی۔ انہوں نے کہا کہ انڈیا کا لفظ ہٹا دیا جائے۔ اس کے بعد مودی سرکار یہ خبریں اسپانسر کر رہی ہے کہ لفظ انڈیا کو آئین سے ہی ختم کر دیا جائے۔

آپ بابا صاحب سے اتنی نفرت کیوں کرتے ہیں،سنجے سنگھ 

IIM، AIIMS اور ISRO سبھی کے  ساتھ انڈیا لگا ہے، سنجے سنگھ

سنجے سنگھ نے الزام لگایا کہ پی ایم نریندر مودی دلتوں اور قبائلیوں کے تئیں نفرت ظاہر کر رہے ہیں۔ جہاں تک انڈیا کے اتحاد کا تعلق ہے تو ہم نے لکھا تھا ‘جڑے گا بھارت، جیتے گا انڈیا ‘ اس لیے وہ لفظ انڈیا کو ہٹانے کی کوشش کر رہے ہیں۔ آئی آئی ایم، ایمس اور اسرو سبھی ہندوستان کے پاس ہیں۔ یہ مودی سرکار کی ناپاک نیت ہے۔ ہم اس کی مخالفت کریں گے اور بابا صاحب پر یقین رکھنے والے یقیناً یہ برداشت نہیں کریں گے۔