آسٹریلیائی کرکٹر اسٹیو اسمتھ۔
ہندوستان اورآسٹریلیا کے درمیان بارڈر گواسکر ٹرافی کے تحت کھیلے جانے والے تیسرے ٹسٹ سے پہلے ہی کنگارو ٹیم کو بڑا جھٹکا اس وقت لگا ہے، جب کپتان پیٹ کمنس نے گھریلو وجوہات کا حوالہ دیتے ہوئے ہندوستان آنے سے انکار کردیا۔ اس کے بعد آسٹریلیا کی کپتانی اسٹیو اسمتھ کو سونپی گئی ہے۔ بال ٹمپرنگ کیس کے بعد اسمتھ ہندوستان کے خلاف تیسرے ٹسٹ میں کپتانی کرتے ہوئے نظر آئیں گے۔
اسٹیو اسمتھ کی قیادت والی آسٹریلیائی ٹیم کے سامنے اب کئی طرح کے چیلنجز ہیں۔ وہیں یہ تیسرا موقع ہوگا جب اسمتھ کو مستقل کپتان کی غیرموجودگی میں ٹیم کی کمان سونپی گئی ہے۔ سال 2021 میں نائب کپتانی سونپے جانے کے بعد اسمتھ نے دو ٹسٹ میچوں میں ٹیم کی کمان سنبھالی ہے۔
اسٹیو اسمتھ 2014 اور 2018 کے درمیان 34 ٹسٹ میچوں میں ٹیم کے کپتان رہ چکے ہیں۔ سال 2017 میں آسٹریلیا کے ہندوستان دورے پر بھی وہ کپتان تھے۔ اس دورے پر اسمتھ نے تین سنچری بنائی تھی۔ وہیں 2021 کے ہندوستان کے تاریخی دورے پر بھی اسمتھ شروعاتی میچوں میں بڑا اسکور نہیں بنا پائے تھے، لیکن سڈنی ٹسٹ میں انہوں نے سنچری لگائی تھی۔ یہ میچ بے نتیجہ ختم ہوا تھا۔ موجودہ سیزی کی بات کریں تو اسٹیو اسمتھ کا بلا خاموش ہی رہا ہے اور انہوں نے اب تک چار اننگوں میں 23.66 کی اوسط سے 71 رن بنائے ہیں۔
ہندوستانی اسپنروں کا متبادل نہیں تلاش کرپائی آسٹریلیائی ٹیم
آسٹریلیائی بلے باز ہندوستانی اسپنروں کے سامنے بے بس نظرآئی ہے۔ مارنس لابوشین نے چھوٹی چھوٹی شروعات کی ہے، لیکن ابھی تک وہ بھی ہندوستانی اسپنروں کے بنائے گئے جال کو کاٹ نہیں پائے ہیں۔ ڈیوڈ وارنر بھی رنگ میں نظر نہیں آرہے ہیں۔ جبکہ مڈل آرڈر وکٹوں کے پت جھڑ کو روک پانے میں ابھی تک ناکام رہا ہے۔ ہینڈس کامب نے ضرور کچھ حد تک کوشش کی ہے، لیکن وہ بھی اشون-جڈیجہ کی جوڑی کا توڑ نہیں تلاش کرپائے ہیں۔ ایسے میں اسٹیو اسمتھ کو نہ صرف بلے سے رن بنانے ہوں گے بلکہ اپنی ٹیم کے لئے ٹسٹ سیریز میں جیت کے دروازے بھی کھولنے ہوں گے۔
یہ بھی پڑھیں: IND vs AUS T20 WC Semifinal: ٹیم انڈیا کا خواب چکنا چور، آخری اوور میں آسٹریلیا کو ملی شاندار کامیابی
ہندوستان نے ناگپور میں کھیلے گئے پہلے مقابلے میں آسٹریلیا کو اننگ کے فرق سے ہرایا تھا۔ جبکہ دہلی میں کھیلے گئے دوسرے ٹسٹ میچ میں بھی آسٹریلیا نے ہندوستان کے سامنے تین دنوں میں ہی سرینڈر کردیا تھا۔ آسٹریلیا کے ساتھ ہندوستان کا تیسرا ٹسٹ یکم مارچ سے 5 مارچ تک اندور میں کھیلا جائے گا۔ جبکہ چوتھے ٹسٹ میں 9 سے 13 مارچ تک احمد آباد میں کھیلا جائے گا۔
چوتھے ون ڈے میں وراٹ کوہلی، روہت شرما اور شریئس ایر بغیر کوئی رن بنائے…
بچوں، بزرگوں اور پہلے سے سانس کی بیماریوں میں مبتلا افراد کو زیادہ مشکلات کا…
وزیر اعظم مودی نے حکام کو پریما کا خصوصی خیال رکھنے کی ہدایت دی اور…
وزیر داخلہ امت شاہ نے حادثے میں زخمی ہونے والے افراد کی صحت کے حوالے…
بی ایل اے کے میڈیا ونگ ’حقّل‘ نے کچھ ویڈیوز جاری کی ہیں، جن میں…
کانگریس صدر ملکارجن کھڑگے نے ایکس پر اپنے پیغام میں لکھا، ’’ہندوستان کی آزادی سے…