IGI Airport becomes the first airport to have 4 runways: شہری ہوابازی اور اسٹیل کے مرکزی وزیرجیوترادتیہ ایم سندھیا نے آج نئی دہلی بین الاقوامی ہوائی اڈے پر ایک نئے رن وے اور ایک دوہرے راستے والے ایلی ویٹیڈ ٹیکسی وے کا افتتاح کیا۔ اس کے ساتھ ہی آئی جی آئی ہوائی اڈہ نئی دہلی چار رن وے والا ملک کا پہلا ہوائی اڈہ بن گیا ہے اور ایلی ویٹیڈ ٹیکسی وے والا ملک کا پہلا ہوائی اڈہ بھی بن گیا ہے۔ پروگرام کے دوران جنرل (ڈاکٹر)وجے کمار سنگھ(سبکدوش)شہری ہوا بازی ، سڑک ٹرانسپورٹ اور قومی شاہراہوں کے وزیر مملکت سنجیو کمار، ایئر پورٹ اتھارٹی آف انڈیا کے چیئر مین جی ایم راؤ، گروپ چیئر مین ، جی ایم آر بھی موجود تھے۔
ایسٹرن کراس ٹیکسی وے(ای سی ٹی)لینڈنگ کے بعد اور ٹیک –آف سے پہلے مسافروں کے ذریعے ٹرمیک پر گزارے گئے وقت کو کم کرکے مسافروں کے بہتر محسوسات کو بڑھانے میں مدد کرے گا۔مزید یہ کہ چار رن و ے آپریشن اور ای سی ٹی سے آئی جی آئی اے کی صلاحیت میں غیر معمولی اضافہ ہوگا، جس سے یہ 1700 سے زیادہ ہوائی جہازوں کی آمدو رفت کو سنبھالنے میں اہل ہوجائے گا۔
اس موقع پر خطاب کرتے ہوئے جیوترادتیہ ایم سندھیا نے کہا ’’وزیر اعظم نریندر مودی کی قیادت میں شہری ہوابازی کا شعبہ نہ صرف ٹرانسپورٹ سیکٹر میں تعاون دے رہا ہے، بلکہ ہندوستان کی اقتصادی طاقت کو بڑھانے میں ایک اہم سبب بھی بن رہا ہے۔ آج ہندوستانی شہری ہوا بازی کے لئے بنیادی ڈھانچہ اور خدمات دونوں کے لحاظ سے ایک تاریخی دن ہے۔ ایسٹرن کراس ٹیکسی وے ہندوستان میں اپنی طرح کا پہلا ٹیکسی وے ہے۔ ساتھ ہی سالانہ اس ایلی ویٹیڈ ایسٹرن کراس ٹیکسی وے (ای سی ٹی)سے سالانہ بنیاد پر تقریباً 55ہزار ٹن سی او 2کے اخراج میں کمی دیکھنے کو ملے گی۔ساتھ ہی یہ ای سی ٹی چوتھے رن وے اور نئے مربوط ٹرمنل1 کے ساتھ دہلی ہوائی اڈے کو مستقبل کے لئے تیار کرے گا اور ایک اہم بین الاقوامی ہب بننے کے خواب کو پورا کرے گا۔
تکنیکی مداخلت کے ساتھ اس کی صلاحیت مسافروں کے بہتر محسوسات میں اضافہ کرے گی۔ا س سے ہوائی سیکٹر کا شمالی حصہ اور ہوائی سیکٹر کا جنوبی حصہ باآسانی ایک دوسرے سے جڑ جائیں گے۔اس کا مطلب ہے کہ ٹیکسی کے وقت میں 8 سے 8 منٹ کی کمی ۔ یہ رن وے د ہلی ہوائی اڈے کو 4رن وے والا ملک کا واحد ہوائی اڈہ بنا تا ہے۔ٹرمنل توسیع کے ساتھ یہ رن وے 109 ملین سے زیادہ لوگوں کو خدمات دینے کی صلاحیت پیدا کرے گا اور صلاحیت کے اعتبار سے اٹلانٹا کو پیچھے چھوڑ دے گا۔ اس صلاحیت کے ساتھ ہم بنیادی ڈھانچہ پہلو اور صلاحیت دونوں اعتبار سے اس پوزیشن میں آجائیں گے کہ ہندوستان میں بین الاقوامی شہری ہوا بازی کا ہب قائم کرسکیں۔
بھارت ایکسپریس۔
صدر جمہوریہ، نائب صدر ہند، پی ایم مودی ،امت شاہ ،راہل گاندھی ،اکھلیش یادو، پرینکا…
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…