قومی

Akhilesh Yadav’s press conference: ’’ووٹ کی ڈکیتی ہوگی، تو نیپال کی طرح عوام یہاں بھی سڑک پر نظر آئے گی…‘‘، اکھلیش یادو کا بڑا بیان

لکھنؤ: سماج وادی پارٹی (ایس پی) کے قومی صدر اکھلیش یادو نے نیپال میں پرتشدد مظاہروں کا ذکر کرتے ہوئے بڑا بیان دیا۔ انہوں نے کہا کہ اگر ووٹ کی ڈکیتی ہوگی تو پڑوسی ملک کی طرح عوام یہاں بھی سڑکوں پر دکھائی دے سکتی ہے۔

اکھلیش نے ای سی پر لگایا ووٹ چوری کا الزام

ایس پی ہیڈکوارٹر میں پریس کانفرنس کے دوران جمعہ کے روز اکھلیش یادو نے حکومت اور الیکشن کمیشن پر ووٹ چوری کا الزام لگایا اور کہا کہ الیکشن کمیشن کو یہ یقینی بنانا چاہئے کہ ووٹ چوری کہیں نہ ہو، ورنہ جو پڑوس میں عوام کرتی دکھ رہی ہے، ہو سکتا ہے کہ وہ یہاں بھی سڑکوں پر کرتی نظر آئے گی۔ اکھلیش یادو نے کہا کہ ایس آئی آر پر الیکشن کمیشن سپریم کورٹ کے حکم پر عمل کرے گا۔ الیکشن کمیشن بی جے پی کا ’جُگاڑ کمیشن‘ نہیں بنے گا۔

’’پڑوسی ممالک اور ہماری سرحدوں پر امن ہو‘‘

انہوں نے کہا کہ ملک کی پہلی ترجیح پڑوسی ممالک اور ہماری سرحدوں پر امن ہونی چاہئے۔ بھارت کی حکومت اپنی خارجہ پالیسی میں ناکام رہی ہے۔ وہاں کی داخلی سیاست میں کیا ہوا، اس پر بہت ساری اسٹوریز آ رہی ہیں کیونکہ سوشل میڈیا کے دور میں کوئی سر حد نہیں ہے۔ نیپال کے حوالے سے صرف ایک پہلو کو دیکھ کر ہم کوئی فیصلہ نہیں لے سکتے۔ ایس پی سربراہ نے کہا کہ وہاں اور بھی کئی سوال تھے، جیسے غربت، بے روزگاری، مہنگائی وغیرہ۔ ساتھ ہی جس نسل کی بات ہو رہی ہے، وہ لوگ بھی سوشل میڈیا پر کئی چیزیں بتا رہے ہیں۔

’’پنچایتی راج میں چل رہا ہے 60 فیصد کمیشن‘‘

اکھلیش یادو نے کہا کہ کرپشن، کڈنیپ اور ’ڈیجیٹل اریسٹ‘ میں یوپی سب سے آگے ہے۔ سب سے زیادہ لوگ سی ایم ہاؤس کے باہر زہر کھا کر مر رہے ہیں۔ پنچایتی راج میں 60 فیصد کمیشن چل رہا ہے۔ بی جے پی لیڈران کے پاس کوئی کام نہیں ہے، وہ کھوکھلے ہیں۔ اس دوران اکھلیش نے یہ بھی کہا کہ سکھ سماج کی بہادری کے چرچے بہت پرانے ہیں۔ اپنی محنت سے انہوں نے اپنا مقام بنایا ہے۔

بھارت ایکسپریس۔

Md Hammad

Recent Posts

Bhajan Sandhya at World Peace Centre: گروگرام کے ورلڈ پیس سینٹر میں 21 نومبر کو ’بھجن کلبنگ‘ کا انعقاد، گورنر سدھا یادو کریں گی افتتاح

مرکزی وزیر گجیندر سنگھ شیخاوت اور آچاریہ لوکیش جی نے برطانیہ کے ہاؤس آف لارڈز…

2 hours ago

Women’s Asian Champions Trophy: ویمنز ایشین چیمپئنز ٹرافی، بھارت نے ملائیشیا کو 4-1 سے شکست دے کر کیا فاتحانہ آغاز، ڈیبیو میچ میں پوجا ساہو نے داغا گول

موجودہ چیمپئن بھارت نے ویمنز ایشین چیمپئنز ٹرافی 2026 میں شاندار آغاز کرتے ہوئے ملائیشیا…

3 hours ago