Horrific fire in Delhi’s Bawana: دہلی کے بوانا میں خوف ناک آتشزدگی،دل دہلا دینے والا ویڈیو آیا سامنے

Horrific fire in Delhi’s Bawana: قومی راجدھانی دہلی کے بوانا انڈسٹریل ایریا میں ایک فیکٹری میں زبردست آگ لگنے کی اطلاع ہے۔ آگ لگنے کی اطلاع ملنے کے فوراً بعد دہلی فائر سروس نے 25 فائر ٹینڈرز کو موقع پرروانہ ہوئیں۔ سیکیورٹی کے لیے مقامی پولیس اسٹیشن بھی موقع پر موجود ہے۔ فائر فائٹرز کی بڑی تعداد کافی دیر سے آگ پر قابو پانے کی کوششوں میں مصروف ہے۔ آگ پر ابھی تک مکمل طور پر قابو نہیں پایا جاسکا ہے۔ فی الحال آگ کی وجہ سے کسی جانی نقصان کی کوئی اطلاع نہیں ہے۔

ذرائع کے مطابق آتشزدگی کے واقعہ کے بعد آس پاس کے لوگوں میں خوف و ہراس کا ماحول ہے۔ آگ کے شعلے دیکھ کر لوگ خوف زدہ ہیں۔ آگ لگنے کی وجہ تاحال معلوم نہیں ہو سکی ہے۔ خبر رساں ایجنسی اے این آئی کی طرف سے جاری ویڈیو سے واضح ہے کہ بوانا میں واقع فیکٹری میں زبردست آگ لگی ہے۔اس آگ کے  شعلے خوف ناک طور آپ دیکھ سکتے  ہیں۔ آگ اتنی شدید ہے کہ فائر سروس ڈیپارٹمنٹ نے آگ پر قابو پانے کے لیے فائر بریگیڈ کی 25 گاڑیاں موقع پر موجودہیں۔ دیگر اسٹیشنوں سے بھی فائر ٹینڈرز کو موقع پر بھیج دیا گیا ہے۔

آگ لگنے سے بڑے نقصان کا اندازہ

دہلی فائر سروس ڈپارٹمنٹ کے فائر آفیسر رام گوپال مینا نے بوانا میں آگ کے خوفناک واقعہ کے بارے میں بتایا کہ آگ کا یہ واقعہ گزشتہ  رات 1.30 بجے پیش آیا۔ فائر ڈیپارٹمنٹ کو فون کال کے ذریعے یہ اطلاع ملی۔ آگ پر قابو پانے کے لیے 25 فائر ٹینڈر موقع پر موجود تھے۔ آتشزدگی کے واقعہ سے بڑا نقصان ہوا ہے۔ ابھی تک کسی جانی نقصان کی اطلاع نہیں ہے۔ اب آگ پر قابو پا لیا گیا ہے۔ انہوں نے کہا کہ فائر سروس ڈیپارٹمنٹ کی ایک ٹیم آگ لگنے کی وجہ کی تحقیقات کر رہی ہے۔

بھارت ایکسپریس