Manipur video: وزیر داخلہ نے منی پور ویڈیو کی ٹائمنگ پر سوال کرکے اپنی نااہلی کا کیا اعتراف: کانگریس

نئی دہلی: کانگریس نے بدھ کے روز الزام لگایا کہ مرکزی وزیر داخلہ امت شاہ کی جانب سے منی پور سے متعلق لرزہ خیز ویڈیو کی ٹائمنگ پر سوال اٹھانا شرمناک ہے اور ایسا کرکے وہ اپنی نااہلی کا اعتراف کر رہے ہیں۔

پارٹی کے جنرل سکریٹری جے رام رمیش نے ایکس  (Twitter) پر ایک پوسٹ میں کہا، “یہ بالکل شرمناک ہے کہ وزیر داخلہ منی پور کے خوفناک ویڈیو کے “وقت” پر سوال اٹھا رہے ہیں۔ ایوان میں یہ دعویٰ کر کے کہ انٹیلی جنس ایجنسیوں کو ایسی کسی بھی ویڈیو کا علم نہیں تھا، وہ صرف ہندوستان کے وزیر داخلہ کی حیثیت سے اپنی نااہلی کا اعتراف کر رہے ہیں۔ انہوں نے دعوی کہا، نادانستہ طور پر ہی صحیح، منی پور کے وزیر اعلیٰ کی نااہلی کو بھی تسلیم کر رہے ہیں۔

 

بتا دیں کہ لوک سبھا میں مرکزی وزیر داخلہ امت شاہ نے کہا کہ یہ انتہائی افسوس ناک واقعہ ہے اور معاشرے کے لیے باعث شرم ہے۔ لیکن یہ ویڈیو (منی پور وائرل ویڈیو) پارلیمنٹ کے اس اجلاس کے آغاز سے پہلے کیوں آیا؟ اگر کسی کے پاس یہ ویڈیو تھی تو اسے ڈی جی پی کو دینا چاہیے تھا، اور اس دن (4 مئی) کو ہی کارروائی ہو چکی ہوتی۔

انہوں نے مزید کہا کہ ہم نے ان تمام نو لوگوں کی شناخت کر لی ہے اور انہیں گرفتار کر لیا ہے۔  میں وہاں (منی پور) ) تین دن کے لیے تھا اور اس عرصے کے دوران ہم نے کئی فیصلے کیے۔ ریاست میں حالات معمول پر لانے کے لیے علاقے میں پیرا ملٹری فورس کو تعینات کیا گیا ہے۔

 

بھارت ایکسپریس۔