Nana Patekar Death: ’فن و سنیما کی دنیا کے لیے ناقابل تلافی نقصان‘، نانا پاٹیکر کے انتقال پر وزیر داخلہ امت شاہ کا اظہار تعزیت

نئی دہلی: مرکزی وزیر داخلہ و تعاون امت شاہ نے بھارتی سنیما کے معروف اداکار نانا پاٹیکر کے انتقال پر گہرے رنج و غم کا اظہار کیا ہے۔ 75 برس کی عمر میں گوا میں واقع اپنی رہائش گاہ پر نانا پاٹیکر کا دل کا دورہ پڑنے سے انتقال ہوگیا۔ امت شاہ نے اس غم کی گھڑی میں آنجہانی اداکار کے اہل خانہ اور ان کے لاکھوں مداحوں سے تعزیت کا اظہار کیا۔

فن و سنیما کی دنیا کے لیے ناقابل تلافی نقصان

وزیر داخلہ امت شاہ نے اپنے تعزیتی پیغام میں کہا کہ نانا پاٹیکر کا انتقال فن اور سنیما کی دنیا کے لیے ایسا نقصان ہے جس کی تلافی ممکن نہیں۔ تقریباً پانچ دہائیوں پر محیط اپنے طویل فلمی سفر میں انہوں نے اداکاری کے منفرد انداز اور مؤثر مکالمہ ادائیگی سے ہر طبقے کے ناظرین کے دلوں پر گہری اور ناقابل فراموش چھاپ چھوڑی۔

भारतीय सिनेमा के महान अभिनेता नाना पाटेकर जी का निधन कला जगत के लिए एक अपूरणीय क्षति है। पांच दशकों तक उन्होंने अपने सहज अभिनय और सशक्त संवाद अदायगी से दर्शकों के मन पर अमिट छाप छोड़ी। गंभीर सामाजिक विषय हों या हास्य-व्यंग्य, उन्होंने जिस किरदार को निभाया, उसे जीवंत बना दिया। ‘नाम फाउंडेशन’ के माध्यम से सूखे से जूझ रहे किसान परिवारों की सेवा हो या सीमा पर जाकर जवानों का हौसला बढ़ाना, वे ख्याति के शिखर पर पहुंचकर भी अपनी मिट्टी से जुड़े रहे। जब भी उनसे मिलना हुआ, उनकी सरलता व स्पष्टवादिता ने सदैव प्रभावित किया। ईश्वर शोकाकुल परिजनों व प्रशंसकों को यह दु:ख सहने की शक्ति प्रदान करें और दिवंगत आत्मा को अपने श्रीचरणों में स्थान दें।
ॐ शांति शांति शांति

— Amit Shah (@AmitShah) October 8, 2026

’ہر کردار میں جان ڈال دیتے تھے‘

مرکزی وزیر داخلہ امت شاہ نے آنجہانی اداکار کی ہمہ جہت صلاحیتوں کو یاد کرتے ہوئے کہا کہ نانا پاٹیکر اداکاری کے ہر رنگ میں ماہر تھے۔ چاہے سنجیدہ سماجی موضوعات سے وابستہ کردار ہوں یا مزاح و طنز سے بھرپور رول، انہوں نے جس کردار کو بھی نبھایا، اسے پردۂ سیمیں پر پوری زندگی اور حقیقت کے ساتھ پیش کیا۔

سماجی خدمات اور ’نام فاؤنڈیشن‘ کا بھی ذکر

وزیر داخلہ امت شاہ نے نانا پاٹیکر کی اداکاری کے ساتھ ان کی سماجی خدمات کو بھی خصوصی طور پر یاد کیا۔ انہوں نے کہا کہ شہرت کی بلندیوں تک پہنچنے کے باوجود نانا پاٹیکر اپنی مٹی اور عام لوگوں سے جڑے رہے۔ ’نام فاؤنڈیشن‘ کے ذریعے خشک سالی سے متاثرہ کسان خاندانوں کی مدد ہو یا سرحد پر پہنچ کر ملک کے جوانوں کا حوصلہ بڑھانا، ان کی سماجی خدمات ہمیشہ یاد رکھی جائیں گی۔ امت شاہ نے کہا کہ نانا پاٹیکر کی خدمات اور ان کی فنّی میراث ہمیشہ لوگوں کے دلوں میں زندہ رہے گی۔

بھارت ایکسپریس اردو۔