”بنگال کی جیت ملک کی جیت ہے، بنگلہ دیشی مسلمانوں کا ووٹ نہیں چاہئے…“ آسام کے وزیراعلیٰ ہیمنتا بسوا سرما نے پھر دیا مسلمانوں سے متعلق بیان

وہیں، مغربی بنگال میں بی جے پی کی زبردست جیت پربولتے ہوئے ہیمنتا بسوا سرما نے کہا کہ بنگال کی جیت تو2021 میں بھی تھی، لیکن ان میں خوف تھا کہ سیکورٹی ملے گی یا نہیں۔ انہوں نے بنگال کے نتیجوں کا خیرمقدم کرتے ہوئے کہا کہ بنگال کی جیت ملک کی جیت ہے۔ واضح رہے کہ بنگال میں بی جے پی پہلی بارحکومت بنانے جارہی ہے، بی جے پی نے اس الیکشن میں 15 سال پرانا ممتا بنرجی کا قلعہ منہدم کردیا ہے۔

آسام میں بی جے پی کی ہیٹ ٹرک

آسام میں برسراقتداراین ڈی اے دوتہائی اکثریت حاصل کرنے کے بعد مسلسل تیسری بارریاست میں حکومت بنانے والی ہے۔ این ڈی اے نے 126 اسمبلی سیٹوں میں 102 سیٹوں پرجیت درج کی۔ اس میں بی جے پی نے 82 سیٹ پرجیت حاصل کی جبکہ اس کی اتحادی پارٹیوں بوڈوپیپلزفرنٹ (بی پی ایف) اورآسام گن پریشد (اے جی پی) کو10-10 سیٹوں پرجیت ملی ہے۔ ریاست میں بی جے پی نے پہلی باراپنے دم پراکثریت حاصل کی ہے۔ اس سے پہلے 2021 اور2016 کے الیکشن میں اس نے 60-60 سیٹیں جیتی تھیں۔ اپوزیشن خیمے میں کانگریس نے 19 سیٹیں جیتیں جبکہ مولانا بدرالدین اجمل کی قیادت والے اے آئی یوڈی ایف اوراکھل گوگوئی کی قیادت والے رائے جوردل نے 2-2 سیٹیں حاصل کیں۔ ٹی ایم سی کوایک سیٹ پرجیت حاصل ہوئی۔