High Court summons SP leader Azam Khan: اعظم خان کی مشکلوں میں ہوسکتا ہے اضافہ، ہائیکورٹ نے نوٹس کیا جاری

الہ آباد ہائی کورٹ نے اتر پردیش حکومت کی اپیل پر سماج وادی پارٹی لیڈر اعظم خان کو نوٹس جاری کیا ہے۔ اتر پردیش کی حکومت نے مئی میں 2019 کے نفرت انگیز تقریر کیس میں خان کو بری کرنے کے رام پور عدالت کے حکم کو چیلنج کیا ہے جس کی وجہ سے وہ گزشتہ سال ایم ایل اے کے طور پر نااہل ہوئے تھے۔ جمعرات کو اپیل کی سماعت کرتے ہوئے، جسٹس راج بیر سنگھ کی بنچ نے ٹرائل کورٹ کے ساتھ ساتھ اپیل کورٹ کے ریکارڈ کو طلب کیا ہے اور اب اس معاملے کو 27 ستمبر 2023 کو مزید سماعت کے لیے درج کر دیا ہے۔

واضح رہے کہ اس سال مئی میں ایڈیشنل ڈسٹرکٹ اینڈ سیشن جج امیت ویر سنگھ نے ریاست کے رام پور ضلع میں ایک خصوصی ایم پی/ایم ایل اے عدالت کے اکتوبر 2022 کے حکم کو کالعدم قرار دیتے ہوئے ان کو مجرم قرار دیتے ہوئے تین سال قید کی سزا سنائی تھی۔ بنیادی طور پر، خان کو لوک سبھا انتخابات 2019 کی مہم کے دوران اتر پردیش کے وزیر اعلی یوگی آدتیہ ناتھ اور رام پور کے اس وقت کے ڈی ایم، انجنیا کے سنگھ کے خلاف اشتعال انگیز تقریر کرنے کا قصوروار پایا گیا تھا۔

اعظم خان کو  آئی پی سی کی دفعہ 153 اے (دو گروپوں کے درمیان دشمنی کو فروغ دینا)، 505 (عوامی فساد کا سبب بننے والے بیانات) اور عوامی نمائندگی ایکٹ 1951 کی دفعہ 125 کے تحت مجرم قرار دیا گیا تھا۔ ریٹرننگ افسر کے نوٹس لینے کے بعد ان کے خلاف ایف آئی آر درج کر لی گئی۔ اس سلسلے میں ان سے شکایت کی گئی تھی جس کے بعد یہ معاملہ سامنے آیا ہے۔ اس کیس میں ان کی سزا کے بعد، خان کو عوامی نمائندگی ایکٹ کی دفعات کے مطابق اتر پردیش قانون ساز اسمبلی کے رکن کے طور پر نااہل قرار دے دیا گیا تھا، جس کے نتیجے میں ضمنی انتخاب ہوا، جسے بی جے پی کے آکاش سکسینہ نے گزشتہ سال جیتا تھا۔تاہم ان کی اپیل میں اے ڈی جے کی عدالت نے انہیں بری کر دیا۔ اس حکم کو چیلنج کرتے ہوئے یوپی حکومت نے ہائی کورٹ کا رخ کیا ہے۔جس پر اب نوٹس جاری کردیا گیا ہے۔

بھارت ایکسپریس۔