کانگریس ایم ایل اے ونیش پھوگاٹ کو بی جے پی حکومت کا بڑا آفر، نقد، پلاٹ یا پھر نوکری چاہئے

ہریانہ کے وزیراعلیٰ نائب سنگھ سینی کی صدارت میں منگل (25 مارچ) کو کابینہ کی میٹنگ ہوئی۔ اس دوران کئی اہم فیصلے کئے گئے۔ میٹنگ میں حکومت نے کانگریس رکن اسمبلی اور ریسلر ونیش پھوگاٹ کو سلورمیڈل کے انعام کے عوض تین متبادل دیئے ہیں۔ ونیش پھوگاٹ کو 4 کروڑ نقد، پلاٹ یاپھر سرکاری نوکری کی پیشکش کی گئی ہے۔ دراصل، حکومت نے پیرس اولمپک میں سلورمیڈل مقابلے تک پہنچنے کے بعد ونیش پھوگاٹ کی عزت افزائی کرنے کا اعلان کیا تھا۔ حالانکہ فائنل میچ میں 100 گرام بڑھے وزن کی وجہ سے ونیش پھوگاٹ مقابلہ نہیں کھیل پائی تھیں۔

ہریانہ حکومت نے ونیش پھوگاٹ کو پیرس اولمپک میں 

ہریانہ حکومت نے ونیش پھوگاٹ کو پیرس اولمپکس میں چاندی کا تمغہ (سلورمیڈل) جیتنے والے کھلاڑیوں کے برابرفوائد دینے کا اعلان کیا تھا۔ سلورمیڈل پالیسی کے تحت تین قسم کے فوائد دستیاب ہیں۔ ان میں 4 کروڑروپئے کا نقد انعام، ایک گروپ اے اوایس پی جاب، اورایک ایس ایس وی پی پلاٹ شامل ہیں۔ چونکہ ونیش پھوگٹ اب ایم ایل اے ہیں، اس لئے ان سے اس آپشن کے بارے میں پوچھا جائے گا کہ وہ تینوں میں سے کون سے فائدہ حاصل کرنا چاہتی ہیں۔

ونیش پھوگاٹ کو 50 کلو زمرہ کے فائنل مقابلے سے نا اہل قرار دیا گیا تھا