GHS presents Anant Ambani with global humanitarian award: گلوبل ہیومین سوسائٹی نے جنگلی حیات کے تحفظ میں قائدانہ خدمات پر اننت امبانی کو گلوبل ہیومینیٹیرین ایوارڈ سے نوازا

امریکی ہیومین سوسائٹی کی بین الاقوامی شاخ، گلوبل ہیومین سوسائٹی، جو امریکہ کی قدیم ترین قومی فلاحی تنظیم اور جانوروں کی بہبود کی سب سے بڑی سرٹیفائر ہے، نے ونتارا وائلڈ لائف کنزرویشن سینٹر کے بانی اننت امبانی کو اینیمل ویلفیئر کے لیے گلوبل ہیومینیٹیرین ایوارڈ سے نوازا۔ امبانی اس اعزاز کو حاصل کرنے والے سب سے کم عمر اور پہلے ایشیائی شخص ہیں۔ یہ ایوارڈ ایک بین الاقوامی تقریب میں دیا گیا جس میں جنگلی حیات کے تحفظ اور جانوروں کی بہبود کے لیے پُرعزم عالمی لیڈرز شریک تھے۔ یہ ایوارڈ، جو جانوروں کی بہبود اور تحفظ کے میدان میں دنیا کے اہم ترین اعزازات میں شمار ہوتا ہے، امبانی کی ثبوت پر مبنی فلاحی پروگراموں، سائنسی بنیادوں پر قائم تحفظاتی اقدامات اور دنیا بھر میں کمزور انواع کے تحفظ کے لیے مسلسل کوششوں کو تسلیم کرتا ہے۔ یہ اعزاز اُن شخصیات کے لیے مخصوص ہے جن کی زندگی بھر کی لگن نے جانوروں اور انسانوں دونوں کے لیے عالمی سطح پر نمایاں اور مثبت تبدیلیاں پیدا کی ہوں۔ گلوبل ہیومین سوسائٹی نے امبانی کا انتخاب ونتارا کے قیام میں ان کی وژنری قیادت کی بنیاد پر کیا، جو بڑے پیمانے پر ریسکیو، بحالی اور معدوم ہوتی نوع کے تحفظ کے میدان میں ایک نئی مثال قائم کر چکا ہے۔ اُن کا جذبہ، دلی ہمدردی اور جانوروں کی بہبود کے لیے اٹل کمٹمنٹ انہیں اس ایوارڈ کے سابقہ نمایاں وصول کنندگان کی صف میں لے آتا ہے، اور اُن کا کام نہ صرف بھارت بلکہ پوری دنیا میں تحفظِ فطرت کے مستقبل کو نئی سمت دے رہا ہے۔

اننت امبانی  نے عالمی سطح پر ہمدردی کی نئی مثال قائم کی ہے

گلوبل ہیومین سوسائٹی کی صدر و سی ای او ڈاکٹر رابن گینزرٹ نے کہا کہ ونتارا کو گلوبل ہیومین سرٹیفائیڈ کا اعزاز ملنا نہ صرف اعلیٰ درجے کی دیکھ بھال کا اعتراف ہے بلکہ ہر جانور کو وقار، شفا اور امید دینے کے گہرے عزم کی بھی علامت ہے۔ اور اس وژن کے سب سے بڑے علمبردار اننت امبانی ہیں جن کی قیادت نے حقیقی معنوں میں عالمی سطح پر ہمدردی کی نئی مثال قائم کی ہے۔ انہوں نے مزید کہا کہ ونتارا جانوروں کی بہبود کے لیے دنیا کی غیر معمولی کاوشوں میں سے ایک ہے… یہ صرف ایک ریسکیو سینٹر نہیں بلکہ شفا کا ایک مقدس ٹھکانہ ہے۔ ونتارا کا عزم، اس کا دائرہ اور اس کے پیچھے موجود جذبہ جدید جانوروں کی فلاح کے لیے ایک نیا معیار مقرر کر چکا ہے۔

’میں اس اعزاز پر گلوبل ہیومین سوسائٹی کا شکر گزار ہوں‘

اننت امبانی، بانی ونتارا، نے کہا کہ میں اس اعزاز پر گلوبل ہیومین سوسائٹی کا شکر گزار ہوں۔ میرے لیے یہ ایک ابدی اصول سربھوت ہت یعنی ہر جاندار کی بھلائی کی توثیق ہے۔ جانور ہمیں توازن، انکساری اور بھروسہ سکھاتے ہیں۔ ونتارا کے ذریعے ہمارا مقصد ہر زندگی کو وقار، دیکھ بھال اور امید دینا ہے، جس کی رہنمائی خدمت کے جذبے سے ہوتی ہے۔ تحفظِ فطرت کل کے لیے نہیں بلکہ ایک مشترکہ دھرم ہے جسے آج ہی نبھانا ہوگا۔

ماضی کے نمایاں اعزاز یافتگان

گزشتہ برسوں میں گلوبل ہیومینیٹیرین ایوارڈ صرف چند منتخب شخصیات کو دیا گیا ہے۔ ایسے وژن رکھنے والے افراد جن کے جذبے، قیادت اور عزم نے جانوروں کی بہبود اور تحفظ کے منظرنامے کو نئی شکل دی۔ ماضی کے نمایاں اعزاز یافتگان میں ہالی وڈ کی لیجنڈری شخصیات جیسے شیلی میک لین، جان وین اور بیٹی وائٹ شامل ہیں، ساتھ ہی معروف عالمی لیڈرز بھی، جن میں امریکی صدور جان ایف کینیڈی اور بل کلنٹن شامل ہیں، اور وہ عالمی شخصیات جن کی جانوروں کے لیے خدمات نے سرحدوں سے آگے اثر ڈالا۔

بھارت ایکسپریس اردو۔