Gourav Vallabh Resigned: ‘میں سناتن مخالف نعرے نہیں لگا سکتا’، گورو ولبھ نے کھرگے کو خط لکھ کر کانگریس سے دیا استعفی

جمعرات (4 اپریل 2024) کو کانگریس کو بڑا جھٹکا لگا۔ گورو ولبھ نے پارٹی سے استعفیٰ دے دیا اور کہا کہ وہ سناتن مخالف نعرے نہیں لگا سکتے۔

گورو ولبھ نے کانگریس کے صدر ملکارجن کھرگے کو بھیجے گئے اپنے استعفیٰ سے متعلق خط کی ایک تصویر سوشل میڈیا پر پوسٹ کی اور لکھا، “آج کانگریس پارٹی جس سمت میں آگے بڑھ رہی ہے، میں اس سے مطمئن نہیں ہوں۔” میں صبح و شام نہ تو سناتن مخالف نعرے لگا سکتا ہوں اور نہ ہی ملک کے  ویلتھ کریٹرس( دولت بنانے والوں) کو گالی دے سکتا ہوں۔ اس وجہ سے میں کانگریس پارٹی کے تمام عہدوں اور بنیادی رکنیت سے استعفیٰ دے رہا ہوں۔

کھرگے کو بھیجے گئے اپنے استعفیٰ میں انہوں نے لکھا کہ وہ بے حد مایوس ہیں۔ انہوں نے مزید کہا کہ ’’میں بہت کچھ  لکھنا اور کہنا چاہتا ہوں۔ لیکن میری اقدار مجھے ایسا کچھ کہنے سے منع کرتی ہیں۔ پھر بھی میں آج آپ کے سامنے اپنے خیالات رکھ رہا ہوں کیونکہ مجھے لگتا ہے کہ سچ چھپانا بھی جرم ہے۔ ایسے میں میں جرم کا حصہ نہیں بننا چاہتا’’۔

گورو ولبھ نے کیا کہا؟

گورو ولبھ نے کہا کہ جب میں کانگریس پارٹی میں شامل ہوا تو مجھے یقین تھا کہ کانگریس ملک کی سب سے پرانی پارٹی ہے۔ یہاں نوجوان اور دانشور لوگوں کے خیالات کو اہمیت دی جاتی ہے، لیکن پچھلے کچھ سالوں میں میں نے محسوس کیا ہے کہ پارٹی کی موجودہ شکل نئے آئیڈیاز کے ساتھ نوجوانوں کے ساتھ خود کو ایڈجسٹ نہیں کر پا رہی ہے۔

رام مندر کا ذکر کیا۔

گورو ولبھ نے کہا کہ میں ایودھیا میں رام للا پران پرتشٹھا کی تقریب کو لے کر کانگریس کے رویہ سے ناراض ہوں۔ میں پیدائشی طور پر ہندو ہوں اور پیشے کے لحاظ سے ایک استاد ہوں، پارٹی کے اس موقف نے مجھے ہمیشہ بے چین کیا۔ پارٹی اور اتحاد سے وابستہ بہت سے لوگ سناتن کے خلاف بولتے ہیں۔

انہوں نے مزید کہا کہ  ان دنوں پارٹی غلط سمت میں جا رہی ہے۔ ایک طرف ہم ذات پات کی بنیاد پر مردم شماری کی بات کرتے ہیں اور دوسری طرف پورے ہندو سماج کی مخالفت کرتے نظر آتے ہیں۔