PM Modi offers a Mantra of Unity to the Nation: سندھی نئےسال سے منی پور کے تہوار تک، وزیر اعظم نریندر مودی نے دیا اتحاد کا منتر

نئی دہلی :بھارت کی ثقافتی تنوع اور مختلف تہواروں کے حسین امتزاج کے درمیان وزیرِ اعظم نریندر مودی نے مختلف برادریوں کے نو سال کے مواقع پر ملک کے عوام کو دل کی گہرائیوں سے مبارکباد دی ہے۔ انہوں نے ‘چیٹی چند’ اور ‘ساجیبو چیراوبا’ کے مقدس موقع پر اتحاد، مثبت سوچ اور خوشحالی کا پیغام دیا۔وزیر اعظم نے سندھی برادری کے اہم تہوار ‘چیٹی چند’ پر نیک تمناؤں کا اظہار کرتے ہوئے کہا کہ آنے والا سال سب کے لیے مبارک اور خوشیوں بھرا ہو۔ انہوں نے اپنے پیغام میں لکھا کہ “اس مبارک  موقع پر آپ سب کو ہاردک مبارکباد۔ یہ مقدس تہوار معاشرے میں خوشیاں لائے، لوگوں کی امیدوں کو پورا کرے اور اتحاد کے جذبے کو مزید مضبوط بنائے۔”

انہوں نے آخر میں پرارتھنا کی کہ بھگوان جھولے لال کا آشیرواد سب پر قائم رہے۔ چیٹی چند دراصل سندھی نئےسال کی علامت ہے اور اس دن کو بھگوان جھولے لال (ورون دیو کے اوتار) کی یومِ پیدائش کے طور پر منایا جاتا ہے، جو بہار کی آمد اور برائی پر اچھائی کی جیت کی علامت ہے۔اسی طرح منی پور کے روایتی قمری نئے سال ‘ساجیبو چیراوبا’ کے موقع پر بھی وزیرِ اعظم مودی  نے خصوصی پیغام جاری کیا۔ یہ تہوار خاص طور پر میتئی برادری کی جانب سے منایا جاتا ہے۔ انہوں نے کہا، “تمام لوگوں کو ساجیبو چیراؤبا کی دلی مبارکباد۔ نیا سال آپ کی زندگی میں
خوشی، خوشحالی اور کامیابی لے کر آئے۔”

وزیر اعظم  مودی نے مزید کہا کہ ہر جگہ امید اور مثبت سوچ کا ماحول قائم رہے اور ملک ترقی کی راہ پر گامزن رہے۔دوسری جانب منوج سنہا نے بھی نوارتری کے مقدس موقع پر جموں و کشمیر کے عوام کو مبارکباد دی۔ انہوں نے “جے ماتا دی” کے نعروں کے ساتھ سب کی بھلائی، امن اور خوشحالی کے لیے پرارتھناکی۔

بھارت ایکسپریس اردو