نئی دہلی – جی ایس ٹی کونسل کی جانب سے ٹیکسوں میں نمایاں کمی کو “ابتدائی دیوالی کا تحفہ” قرار دیتے ہوئے بھارت کی کارپوریٹ دنیا نے اس کا پرجوش خیر مقدم کیا ہے۔ صنعت کے رہنماؤں کا کہنا ہے کہ یہ اصلاحات نہ صرف یوزر کو فوری ریلیف فراہم کریں گی بلکہ ملکی معیشت، جو عالمی غیر یقینی صورتحال اور جیو پولیٹیکل چیلنجز سے دوچار ہے، کو ایک نئی سمت دیں گی۔
مہیندرا گروپ کے چیئرمین آنند مہیندرا نے کہا:“ہم اب میدان میں آ چکے ہیں… مزید اور تیز تر اصلاحات ہی وہ راستہ ہیں جن سے کھپت اور سرمایہ کاری کو فروغ ملے گا، اور یہی بھارت کی عالمی حیثیت کو مزید مضبوط کریں گے۔”
ٹی وی ایس موٹر کے چیئرمین سدرشن وینو نے اسے ترقی کی رفتار کو بڑھانے والا قدم قرار دیا۔ ایمامی کے منیجنگ ڈائریکٹر اور فکّی کے صدر ہرشا وردھن اگروال نے کہا: جی ایس ٹی میں کمی، انکم ٹیکس میں نرمی، کم ریپو ریٹ اور بہتر مانسون ملک میں مضبوط ترقی کے لیے مثالی ماحول فراہم کر رہے ہیں۔
حکومت نے وضاحت کی ہے کہ جی ایس ٹی 2.0 کے تحت ان پٹ ٹیکس کریڈٹ (ITC) جیسے معاملات کو بھی آسان بنایا جائے گا۔ 22 ستمبر سے نئے ریٹس لاگو ہوں گے۔
ہنڈائی موٹر انڈیا کے ایم ڈی انسو کم نے کہا کہ نئی اصلاحات ان کے انجن والی 60 فیصد گاڑیوں پر براہ راست اثر ڈالیں گی، جن پر اب صرف 18 فیصد ٹیکس لاگو ہوگا۔
کولگیٹ پامولیو کی سی ای او پربھا نرسمہن نے دانتوں کی نگہداشت کی مصنوعات پر جی ایس ٹی کو 18 فیصد سے کم کر کے 5 فیصد کرنے پر خوشی کا اظہار کیا اور کہا:”یہ ایک بروقت قدم ہے جو صارفین کے اعتماد کو فروغ دے گا۔”
ائیر کنڈیشنرز، ٹی وی اور ڈِش واشرز پر بھی جی ایس ٹی میں کمی سے قیمتیں تقریباً 10 فیصد کم ہونے کی امید ہے۔
مان کائنڈ فارما کی سی ای او شیطل اروڑا نے کہا:”حکومت نے جان لیوا بیماریوں اور کینسر کے علاج پر جی ایس ٹی ختم کر کے اور ضروری ادویات و تشخیص پر ٹیکس کم کر کے ظاہر کر دیا ہے کہ affordability اور innovation ساتھ چل سکتے ہیں۔”
آر پی – سنجیو گوینکا گروپ کے چیئرمین سنجیو گوینکا نے کہا:”یہ اصلاحات تعلیم، صحت اور زراعت کو فروغ دے کر معیشت کو نئی رفتار دیں گی۔”
پیناسونک کے چیئرمین منیش شرما اور ہائیر انڈیا کے صدر این ایس ستیہش نے کہا کہ کم جی ایس ٹی کی بدولت توانائی بچانے والی مصنوعات اب ہر گھر کی دسترس میں ہوں گی، اور مکمل سپلائی چین — اختراع سے لے کر فروخت تک — مضبوط ہوگی۔
بھارت ایکسپریس اردو
گجرات کے ’اننت انادی وڈنگر آثارِ قدیمہ تجرباتی عجائب گھر‘ نے 2026 کا باوقار بین…
وزیر اعظم نریندر مودی نے نمو ایپ پر منعقدہ ’من کی بات کوئز‘ کی اکتوبر…
جوہر ٹرسٹ منی لانڈرنگ معاملے میں عدالتی تحویل میں بھیجے گئے سماج وادی پارٹی کے…
شری رام جنم بھومی تیرتھ شیتر ٹرسٹ کے صدر مہنت نرتیہ گوپال داس جی مہاراج…
عمران خان کے بیٹے قاسم خان نے سوشل میڈیا پلیٹ فارم ایکس پر یہ خط…
کانگریس کی سینئر رہنما نے کہا کہ ان کے خاندان کے بارے میں بے بنیاد…