فوٹو: روئٹرز
جمعرات کی علی الصبح لاہور میں فضائی دفاعی نظام پر بھارت کی جانب سے کیے گئے ڈرون حملے میں چار پاکستانی فوجی زخمی ہوئے ہیں۔ یہ کارروائی بدھ اور جمعرات کی درمیانی رات کے دوران شمالی اور مغربی سیکٹروں میں ہندوستانی فوجی تنصیبات پر متعدد ڈرون حملوں کے ذریعہ پاکستانی حملے کی کوشش کے جواب میں کی گئی ہے۔
پاکستانی حکام نے ہندوستانی حملے کی تصدیق کی
پاکستانی حکام کی جانب سے اس حملے کا اعتراف انٹر سروسز پبلک ریلیشنز (آئی ایس پی آر) کے ڈائریکٹر جنرل لیفٹیننٹ جنرل احمد شریف چوہدری نے ایک پریس کانفرنس میں کیا۔ دریں اثنا ہندوستانی فوجی حکام نے بتایا کہ ہندوستانی مسلح افواج نے گزشتہ رات شمالی اور مغربی ہندوستان میں متعدد فوجی اہداف کو نشانہ بنانے کی پاکستانی فوج کی کوششوں کو ناکام بنایا اور لاہور میں پاکستانی فضائی دفاعی نظام کو تباہ کردیا۔
چوہدری نے کہا کہ ایک ڈرون لاہور کے قریب گر کر تباہ ہوا جس کے نتیجے میں چار فوجی زخمی ہوئے۔ چوہدری نے دعویٰ کیا کہ لاہور، گوجرانوالہ، چکوال، بہاولپور، میانو، کراچی، چھور، راولپنڈی اور اٹک میں ہندوستانی ڈرون مار گرائے گئے ہیں۔ ڈی جی چوہدری نے کہا ’’ان 12 کے علاوہ ایک ڈرونجزوی طور پر لاہور کے قریب فوجی ہدف کو نشانہ بنانے میں کامیاب ہو گیا۔‘‘
ہندوستان کشیدگی نہیں چاہتا، لیکن اگر پاکستان نہیں مانا تو منہ توڑ جواب دیا جائے گا: وکرم مسری
واضح رہے کہ ہندوستانی وزارت خارجہ نے آج میڈیا کو بریف کرتے ہوئے اطلاع دی کہ ہندوستان کی فوجی تنصیبات پر پاکستان کے حملے کی کوششوں کو ناکام بنا دیا ہے اور ساتھ ہی ضروری جوابی بھی کی ہے۔ ہندوستان کی اس جوابی کارروائی میں پاکستان کے شہر لاہور کا ایئر ڈیفنس سسٹم کو نشانہ بناتے ہوئے اسے ناکارہ کر دیا۔ وکرم مسری نے کہا ہے کہ ہندوستان کشیدگی نہیں چاہتا، لیکن اگر پاکستان نے کوئی کارروائی کی تو اس کا منہ توڑ جواب دیا جائے گا۔
بھارت ایکسپریس اردو
مرکزی وزیر نے کہا کہ حکومت نے نومبر 2021، مئی 2022 اور مارچ 2026 میں…
وزیر داخلہ نے سوشل میڈیا پلیٹ فارم ایکس پر پیغام جاری کرکے کرن رجیجو کی…
وزیر اعظم نے انہیں ہندوستان کی بہادر بیٹی قرار دیا، امت شاہ نے کہا کہ…
نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…
پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…
تازہ معلومات کے مطابق، ’اکوان‘ 12 کلومیٹر فی گھنٹہ کی رفتار سے شمال کی جانب…