Delhi Assembly Election: دہلی اسمبلی انتخابات سے پہلے بی جے پی کے سابق ایم ایل اے جتیندر سنگھ سنٹی ہوئے AAP میں شامل

Delhi Assembly Election: بھارتیہ جنتا پارٹی کے سابق ایم ایل اے اور سماجی کاموں میں ان کی نمایاں شراکت کے لیے پدم شری سے نوازے گئے جتیندر سنگھ سنٹی نے آج عام آدمی پارٹی میں شمولیت اختیار کر لی ہے۔ AAP کے قومی کنوینر اروند کیجریوال نے پارٹی دفتر میں پٹکا پہنا کر پارٹی میں ان کا استقبال کیا۔ سنٹی 2013 میں شاہدرہ سے بی جے پی ایم ایل اے رہ چکے ہیں۔

سنٹی شہید بھگت سنگھ سیوا دل کے نام سے ایک این جی او چلاتے ہیں۔ اس این جی او کے ذریعے وہ لاوارث لاشوں کی آخری رسومات ادا کرتے ہیں۔ دہلی اسمبلی کے موجودہ اسپیکر رام نواس گوئل شاہدرہ سے ایم ایل اے ہیں۔ آج ہی رام نواس گوئل نے انتخابی سیاست سے ریٹائر ہونے کی خواہش ظاہر کی ہے۔

یہ بھی پڑھیں- Sambit Patra called Rahul Gandhi a traitor: سمبت پاترا نے راہل گاندھی کو کہا ملک کا غدار

جتیندر سنگھ سنٹی نے کہا کہ میں سیاست سے بہت دور تھا، کووڈ کے دوران مجھے لوگوں کی خدمت کرنے کا موقع ملا۔ اسی دوران مجھے اروند جی کا فون آیا کہ وہ بھی اس یگیہ میں قربانی دینا چاہتے ہیں۔ گھر والوں نے بھی کہا کہ ساتھ آ جانا چاہئے۔ اروند جی لوگوں کے زندہ رہتے ان کی خدمت کرتے ہیں اور میں  موت کے بعد ان کی خدمت کرتا ہوں۔ دونوں اکٹھے ہوں گے تو جینے سے مرتے دم تک عزت ملے گی۔

-بھارت ایکسپریس