Vaishali Superfast Express Train Accident: چھٹھ سے پہلے اٹاوہ میں دوسرا ٹرین حادثہ، سہرسہ جانے والی ویشالی ایکسپریس میں لگی آگ، 19 مسافر زخمی

Vaishali Superfast Express Train Accident: چھٹھ سے پہلے گزشتہ 12 گھنٹوں میں دوسرا ٹرین حادثہ یوپی کے اٹاوہ میں ہوا ہے۔ نئی دہلی سے دربھنگہ جانے والی ہمسفر ایکسپریس کے بعد آج صبح اٹاوہ میں بھی ویشالی سپر فاسٹ ایکسپریس کی ایک بوگی میں آگ لگ گئی۔ یہ آگ پینٹری کار کے ساتھ والی S-6 بوگی میں لگی جس کے بعد افراتفری مچ گئی۔ اس حادثے میں 19 مسافروں کے زخمی ہونے کی خبر ہے۔

نیوز کے مطابق دہلی سے سہرسہ جانے والی ویشالی سپر فاسٹ ایکسپریس ٹرین کی S-6 بوگی میں جمعرات کی صبح آگ لگ گئی، 12 گھنٹے کے اندر ایک اور ٹرین میں آگ لگنے کی خبر نے خوف و ہراس پھیلا دیا۔ لوگ اپنی جان بچانے کے لیے چیخنے لگے۔ اس حادثے میں 19 مسافر زخمی ہوئے ہیں۔ ان میں سے 11 مسافروں کو سیفائی میڈیکل کالج اور آٹھ مسافروں کو بھیم راؤ امبیڈکر جوائنٹ اسپتال بھیجا گیا۔

حادثے میں زخمی ہوئے19 مسافر

ویشالی ایکسپریس میں آگ لگنے کی معلومات دیتے ہوئے پولیس افسر نے بتایا کہ آگ ٹرین کی پینٹری کار کے ساتھ والی بوگی میں لگی تھی۔ جس میں 19 افراد زخمی ہیں۔ ان میں سے گیارہ افراد کو سانس لینے میں تکلیف ہو رہی ہے۔ جنہیں سیفائی میڈیکل کالج بھیج دیا گیا ہے۔ آٹھ افراد مقامی اسپتال میں داخل ہیں۔ ان میں سے کچھ لوگ جھلس گئے ہیں اور ایک مسافر زخمی ہے۔ آگ لگنے کی وجوہات معلوم نہیں ہوسکی ہیں۔

یہ بھی پڑھیں- Asaduddin owaisi In Jaipur: کانگریس-بی جے پی والے کہتے ہیں اویسی ووٹ کاٹنے آئے ہیں…’، جے پور میں اویسی کا وزیر اعظم مودی اور راہل گاندھی پر نشانہ

دربھنگہ ایکسپریس میں بدھ کو لگی تھی آگ

اس سے قبل بدھ کی شام نئی دہلی سے دربھنگہ جانے والی دربھنگہ ایکسپریس کی تین بوگیوں میں آگ لگ گئی، اس حادثے میں آٹھ مسافر زخمی بھی ہوئے، سبھی کی حالت خطرے سے باہر ہے۔ ڈی ایم اونیش رائے کے مطابق کوئی بھی شدید زخمی نہیں ہے۔ تینوں جلی ہوئی بوگیوں کو ٹرین سے نکال کر ٹرین کو آگے بھیج دیا گیا ہے۔ ریلوے اس بات کی تحقیقات کر رہی ہے کہ ٹرین میں آگ کیسے لگی۔

-بھارت ایکسپریس