راجیہ سبھا کے رکن اور اتر پردیش کے سابق نائب وزیرِ اعلیٰ ڈاکٹر دنیش شرما نے کہا ہے کہ ملک میں 2014 کے بعد سے ہندی اور دیگر بھارتی زبانوں کے فروغ کا ایک نیا دور شروع ہوا ہے، جس میں تمام علاقائی زبانیں ہندی کے ساتھ ہم قدم ہو کر ترقی کر رہی ہیں۔ ان خیالات کا اظہار انھوں نے گاندھی نگر، گجرات میں منعقدہ پانچویں ’’آل انڈیا راج بھاشا کانفرنس‘‘ کے موقع پر کیا۔ مہاتما مندر کنونشن اینڈ ایگزبیشن سینٹر میں وزارتِ داخلہ کے راج بھاشا شعبے کی جانب سے ’’ہندی دِوس 2025‘‘ کے تحت منعقدہ اس تقریب میں ڈاکٹر شرما نے زبان کو انسان کی روح قرار دیتے ہوئے کہا کہ زبان ہی ترقی کا دروازہ کھولتی ہے۔
وزیر اعظم مودی کی قیادت میں حکومت ہندی کو دے رہی ہے فروغ: دنیش شرما
انھوں نے کہا کہ آج ہندی بھارت کی حدود سے نکل کر دنیا کے کئی حصوں میں بولی جا رہی ہے، کیوں کہ ہندی نے دیگر زبانوں کو جذب کر کے ایک پل کا کام کیا ہے۔ انھوں نے بتایا کہ وزیرِ اعظم نریندر مودی کی قیادت میں حکومت نے اہم قدم اٹھاتے ہوئے میڈیکل اور انجینئرنگ جیسی اعلیٰ تعلیم کو ہندی میں فراہم کرنا شروع کیا ہے۔ اب وہ شعبے جہاں صرف انگریزی کا چلن تھا، وہاں ہندی اور علاقائی زبانوں کا استعمال بڑھ رہا ہے۔
ڈاکٹر دنیش شرما نے مزید کہا کہ ہندی کے فروغ کے لیے مسلسل کوششیں جاری ہیں۔ مہاتما گاندھی، سردار پٹیل اور نریندر مودی جیسے قائدین نے گجرات میں ہندی کے لیے نمایاں خدمات انجام دی ہیں، جب کہ وزیرِ داخلہ امت شاہ کی کوششوں سے آج حکومتِ ہند کے 65 فیصد سے زائد کام ہندی میں ہو رہے ہیں اور وزارتِ داخلہ مکمل طور پر ہندی میں کام کر رہی ہے۔ انھوں نے مزید کہا کہ آج خط و کتابت کا جواب بھی متعلقہ بھارتی زبان میں دیا جا رہا ہے، جو کہ زبانوں کے وقار اور فروغ کی علامت ہے۔ اس موقع پر مرکزی وزیر ارجن میگھوال اور ممتاز سائنسدان ڈاکٹر آنند رنگناتھن نے بھی اظہارِ خیال کیا۔
بھارت ایکسپریس اردو
سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…
انسانی ساختہ پہلی شے جس نے زمین سے ایک نوری دن کی دوری عبور کی،…
پیو ریسرچ سینٹر کی نئی تحقیق کے مطابق 2035 تک مسلمان دنیا کا سب سے…
19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…
وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…
چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…