Rahul Gandhi on the English controversy: ’’انگریزی باعثِ شرم نہیں بلکہ بااختیار بننے کا ذریعہ ہے’’، راہل گاندھی نے بی جے پی پر لگایا غریبوں کو برابری کے مواقع سے محروم رکھنے کا الزام

جمعرات کو امت شاہ کے انگریزی کے حوالے سے دیے گئے بیان پر تنقید کرتے ہوئے آج کانگریس لیڈر راہل گاندھی نے کہا ہے کہ انگریزی ’’بااختیار بننے کا ذریعہ‘‘ ہے ’’باعثِ شرم‘‘ نہیں۔ راہل گاندھی نے مزید کہا کہ یہ زبان ہر بچے کو سکھائی جانی چاہیے، لیکن بی جے پی اور آر ایس ایس نہیں چاہتی کہ غریب بچے یہ زبان سیکھیں۔

بی جے پی-آر ایس ایس نہیں چاہتی کہ غریبوں کے بچے انگریزی سیکھیں: راہل گاندھی

راہل گاندھی نے کہا کہ بی جے پی اور آر ایس ایس کو ڈر ہے کہ اگر غریب بچے بھی یہ زبان سیکھ جائیں گے تو وہ ان کے سوال پوچھیں گے اور برابری حاصل کر لیں گے۔ سوشل میڈیا پلیٹ فارم ’ایکس‘ پر پوسٹ کرتے ہوئے راہل گاندھی نے لکھا کہ ’’انگریزی باندھ نہیں، پُل ہے۔ انگریزی شرم نہیں، طاقت ہے۔ انگریزی زنجیر نہیں بلکہ زنجیریں توڑنے کا اوزار ہے۔‘‘

راہل گاندھی نے مزید لکھا کہ ’’بی جے پی-آر ایس ایس نہیں چاہتے کہ ہندوستان کا غریب بچہ انگریزی سیکھے۔ کیوں کہ وہ نہیں چاہتے کہ آپ سوال پوچھیں، آگے بڑھیں اور برابری حاصل کریں۔ آج کے زمانے میں انگریزی اتنی ہی ضروری ہے جتنی کہ آپ کی مادری زبان، کیوں کہ یہی آپ کو روزگار دلائے گی اور آپ کا اعتماد بڑھائے گی۔‘‘

ہندوستانی زبانوں کے ساتھ ساتھ انگریزی کی تعلیم بھی ضروری: راہل گاندھی

راہل گاندھی نے کہا کہ ہمیں ہندوستانی زبانوں کی قدر ہوئے انگریزی بھی سیکھنی چاہیے اور اسے نظرانداز نہیں کرنا چاہیے۔ انھوں نے لکھا کہ ’’ہندوستان کی ہر زبان میں روح ہے، ثقافت ہے اور علم ہے۔ ہمیں انھیں بھی حاصل کرنا ہے۔۔اور ساتھ ہی ہر بچے کو انگریزی سکھانی ہے۔ یہی ایک ایسے ہندوستان کا راستہ ہے جو دنیا سے مقابلہ کرے اور جو ہر بچے کو برابری کا موقع دے۔‘‘

واضح رہے کہ یہ انگریزی کو لے کر یہ تنازعہ کل شروع ہوا، جب ایک سابق آئی اے ایس افسر کی کتاب کی اجرا کے موقع پر وزیر داخلہ امت شاہ نے کہا تھا کہ اب ہندوستان میں ایسا سماج بننے میں دیر نہیں، جہاں انگریزی بولنے والوں کو شرم آئے گی اور لوگ ہندوستانی زبانوں پر نہ صرف خود فخر کریں گے بلکہ دنیا کی قیادت بھی کریں گے۔ امت شاہ کے اس بیان کو حزبِ اختلاف نے تنقید کا نشانہ بنایا ہے۔

بھارت ایکسپریس اردو