Earthquake in Delhi NCR: زلزلہ: دہلی-این سی آر سمیت شمالی ہندوستان کے کئی علاقوں میں زلزلے کے شدید جھٹکے، لوگ گھروں سے نکلے باہر

Earthquake in Delhi NCR: دہلی این سی آر سمیت شمالی ہندوستان میں زلزلے کے شدید جھٹکے محسوس کیے گئے ہیں۔ زلزلے کے جھٹکے دوپہر تقریباً 2:55 پر محسوس کیے گئے۔ دن کے وقت آنے والا یہ زلزلہ بہت زور دار بتایا جا رہا ہے۔ کئی علاقوں میں عمارتیں لرزنے لگیں۔ جس کے بعد لوگ خوف و ہراس میں گھروں سے باہر نکل آئے۔ دہلی کے علاوہ غازی آباد، نوئیڈا، گڑگاؤں اور فرید آباد میں بھی زلزلے کے شدید جھٹکے محسوس کیے گئے۔ کئی مقامات پر گھروں میں رکھے ٹی وی اور دیگر سامان بھی ہلنے لگے۔ دفاتر میں کام کرنے والے لوگ بھی باہر نکل آئے۔

 

دو بار آیا زلزلہ

موصولہ اطلاعات کے مطابق آج دوپہر دو بار زلزلے کے جھٹکے محسوس کیے گئے۔ پہلا جھٹکا 2 بج کر 25 منٹ پر محسوس کیا گیا جس کی شدت ری ایکٹر اسکیل پر 4.6 تھی۔ تقریباً آدھے گھنٹے کے اندر دوسرے زلزلے کے جھٹکے محسوس کیے گئے جس کی شدت 6.2 تھی۔ اس زلزلے کا مرکز زمین سے تقریباً 5 کلومیٹر نیچے تھا۔ دونوں جھٹکوں کے بعد لوگوں میں خوف و ہراس پھیل گیا۔

زلزلے کے پہلے جھٹکے دوپہر 2 بجکر 25 منٹ پر محسوس کیے گئے جس کی شدت 4.6 تھی۔ تقریباً آدھے گھنٹے کے اندر دوسرا زلزلہ آیا جس کی شدت 6.2 تھی۔ اس زلزلے کا مرکز سطح سے 5 کلومیٹر کی گہرائی میں تھا اس لیے اس کے جھٹکے بہت تیز اور دور تک محسوس کیے گئے۔

نیپال میں بھی زلزلے کے جھٹکے

دہلی کے علاوہ نیپال میں بھی آج دوپہر 2 بجکر 25 منٹ پر ریکٹر اسکیل پر 4.6 شدت کے زلزلے کے جھٹکے محسوس کیے گئے۔

 

اتراکھنڈ میں بھی ہلی زمین

وہیں اتراکھنڈ میں بھی زمین ہلنے سے لوگ خوف و ہراس میں دیکھے گئے۔ زلزلے کی وجہ سے اتراکھنڈ کے پہاڑی علاقے میں کئی مقامات پر لوگوں میں خوف کا ماحول دیکھا گیا۔ زلزلے کے باعث گھروں میں لگے پنکھے اور گھروں میں رکھی اشیاء بھی لرزنے لگیں۔

بھارت ایکسپریس۔